柬埔寨青年联合会祝贺高考学子 鼓励落榜生选择职业教育

សហភាពសហព័ន្ធយុវជនកម្ពុជា សូមចូលរួមអបអរសាទរយ៉ាងកក់ក្ដៅ ចំពោះប្អូនៗដែលទទួលបានជោគជ័យក្នុងការប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០២៥-២០២៦ សម័យប្រឡងថ្ងៃទី១០-១១ ខែសីហា ឆ្នាំ២០២៦។ លទ្ធផលដ៏គាប់ប្រសើរនេះ គឺជាផ្លែផ្កានៃការខិតខំប្រឹងប្រែងរបស់ប្អូនៗ ការយកចិត្តទុកដាក់របស់មាតាបិតា អាណាព្យាបាល និងការខិតខំបង្ហាត់បង្រៀនរបស់លោកគ្រូ អ្នកគ្រូ។ ទន្ទឹមនឹងនេះ ចំពោះប្អូនៗដែលទទួលបានលទ្ធផលមិនទាន់ស្របតាមការរំពឹងទុក សូមរក្សាស្មារតីរឹងមាំ និងកុំបោះបង់ការខិតខំប្រឹងប្រែង។ ប្អូនៗអាចបន្តពង្រឹងសមត្ថភាព ដើម្បីត្រៀមប្រឡងនៅឆ្នាំបន្ទាប់ ឬពិចារណាជ្រើសរើសការអប់រំបច្ចេកទេស និងវិជ្ជាជីវៈ ដែលសមស្របនឹងសមត្ថភាព ទេពកោសល្យ និងចំណង់ចំណូលចិត្តរបស់ខ្លួន។ សូមប្អូនៗបន្តអភិវឌ្ឍចំណេះដឹង សមត្ថភាព និងជំនាញ ដើម្បីក្លាយជាធនធានមនុស្សប្រកបដោយគុណភាព និងចូលរួមចំណែកក្នុងការកសាង និងអភិវឌ្ឍប្រទេសជាតិ។ **👉🏽តំណភ្ជាប់ទៅកាន់បណ្តាញសង្គមរបស់ ស.ស.យ.ក.** 🌐 [**uyfc.org**](https://www.uyfc.org/) 📱 [**Facebook**](https://www.facebook.com/uyfccambodia) 📱 [**YouTube**](https://www.youtube.com/@unionofyouthfederationcambodia)** ** 📱 [**Telegram**](https://t.me/uyfc_news)** ** 📱** **[**TikTok**](https://www.tiktok.com/@uyfccambodia?_t=8fUJ9WcjHX8)