柬埔寨卫生部参与教授职称评审工作组会议

កិច្ចប្រជុំក្រុមការងារចំពោះកិច្ច រៀបចំលិខិតបទដ្ឋានគតិយុត្ត និងឯកសារ សម្រាប់កិច្ចដំណើរការផ្តល់ឋានៈសាស្រ្តាចារ្យក្នុងព្រះរាជាណាចក្រកម្ពុជា __ រាជធានីភ្នំពេញ៖ រសៀលថ្ងៃទី២ ខែមេសា ឆ្នាំ ២០២៦ ឯកឧត្តមសាស្រ្តាចារ្យ ឡឹម តារា រដ្ឋលេខាធិការក្រសួងសុខាភិបាល និងជាសមាជិកក្រុមការងារចំពោះកិច្ច រៀបចំលិខិតបទដ្ឋានគតិយុត្ត និងឯកសារ សម្រាប់កិច្ចដំណើរការផ្តល់ឋានៈសាស្រ្តាចារ្យក្នុងព្រះរាជាណាចក្រកម្ពុជា និងឯកឧត្តមសាស្រ្តាចារ្យ ឈា ឆវណ្ណ នាយកវិទ្យាស្ថានជាតិសុខភាពសាធារណៈ បានចូលរួមប្រជុំក្រុមការងារចំពោះកិច្ច ដឹកនាំដោយ ឯកឧត្តមបណ្ឌិត ស៊ា ម៉ៅ រដ្ឋលេខាធិការទីស្តីការគណៈរដ្ឋមន្រ្តី និងជាប្រធានក្រុមការងារចំពោះកិច្ចនៅទីស្តីការគណៈរដ្ឋមន្រ្តី។ កិច្ចប្រជុំបានផ្តោតការពិភាក្សាទៅលើការរៀបចំអនុក្រឹត្យ ស្តីពីការរៀបចំ និងការប្រព្រឹត្តទៅ របស់អគ្គលេខាធិការដ្ឋាន នៃក្រុមប្រឹក្សាជាតិ ដើម្បីផ្តល់ឋានៈសាស្រ្តាចារ្យនៅព្រះរាជាណាចក្រកម្ពុជា និងការរៀបចំពង្រាងសមាសភាពគណៈកម្មការជំនាញវាយតម្លៃការផ្តល់ឋានៈសាស្រ្តាចារ្យ តាមវិស័យ។ ជាលទ្ធផល កិច្ចប្រជុំបានបញ្ចប់ការពិនិត្យលើអនុក្រឹត្យ និងបានដាក់ចេញនូវសកម្មភាពបន្ត ដើម្បីត្រៀមរៀបចំកិច្ចប្រជុំ ក្រុមប្រឹក្សាជាតិ ដើម្បីផ្តល់ឋានៈសាស្រ្តាចារ្យក្នុងព្រះរាជាណាចក្រកម្ពុជានាពេលខាងមុខ។ **🌐** [Website](https://moh.gov.kh/kh/home 📱 [Facebook](https://www.facebook.com/MinistryofHealthofCambodia?mibex… 📱 [Telegram](https://t.me/MOHCambodia 📱 [X (twitter)](https://x.com/MohCambodia 📱 [Tiktok](https://www.tiktok.com/@mohcambodia 📱 [YouTube](https://www.youtube.com/@MOHCambodia)