柬埔寨商会与反腐败单位签署MOU 优化营商环境

វីដេអូ៖ អ្នកឧកញ៉ា គិត ម៉េង បានប្រកាសថា នៅថ្ងៃទី ២៨ខែសីហា ឆ្នាំ២០២៦ សភាពាណិជ្ជកម្មកម្ពុជា និងអង្គភាពប្រឆាំងអំពើពុករលួយ នឹងចុះអនុស្សរណៈនៃការយោគយល់គ្នា (MOU) ស្តីពីកិច្ចសហប្រតិបត្តិការប្រឆាំងអំពើពុករលួយ សំដៅលើកកម្ពស់បរិយាកាសធុរកិច្ចស្អាតស្អំ តម្លាភាព និងពង្រឹងទំនុកចិត្តវិនិយោគនៅកម្ពុជា។ ការចុះអនុស្សរណៈនៃការយោគយល់គ្នានេះ ត្រូវបានចាត់ទុកថា ជាប្រវត្តិសាស្ត្រថ្មីមួយ ក្នុងការបង្កើតយន្តការសហប្រតិបត្តិការផ្លូវការ រវាងផ្នែកឯកជន និងស្ថាប័នអនុវត្តច្បាប់ ដើម្បីទទប់ស្កាត់ បង្ការ និងរារាំងអំពើពុករលួយ ព្រមទាំងលុបបំបាត់ការចំណាយក្រៅផ្លូវការ និងភាពរាំងស្ទះនានាក្នុងសកម្មភាពធុរកិច្ច។ ការប្រកាសរបស់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា, ប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់យន្តការវេទិការាជរដ្ឋាភិបាល-ផ្នែកឯកជន និងជាប្រធានក្រុមប្រឹក្សាពិគ្រោះយោបល់អាស៊ានសម្រាប់កម្ពុជា ក្នុងឳកាសអញ្ជើញជាអធិប តី «ក្នុងវេទិកាធុរកិច្ច និងនវានុវត្តន៍២០២៦» ក្រោមប្រធានបទ៖ «កាលានុវត្តភាពវិស័យនាំចេញ-នាំចូលរបស់កម្ពុជា» ដែលរៀបចំដោយសភាពាណិជ្ជកម្មកម្ពុជា នារសៀលថ្ងៃទី២៦ ខែសីហា ឆ្នាំ២០២៦ នាមណ្ឌលសន្និបាត OCIC។