18名715部队军人被解职 联名请求官方公开原因

សំណូមពរ៖ កងកម្លាំងទាហានចំនួន ១៨រូប ស្នើសុំការបំភ្លឺ និងពិនិត្យករណីបញ្ឈប់ពីការងារ... តាមការបញ្ជាក់របស់កងកម្លាំងទាហានចំនួន ១៨រូប ដែលបានបម្រើការងារនៅក្នុងយោធាកង៧១៥ ពួកគាត់បានលើកឡើងថា ពួកគាត់បានបំពេញភារកិច្ច និងបម្រើការងារអស់រយៈពេលប្រមាណ ១៥ ទៅ ១៦ឆ្នាំមកហើយ។ ប៉ុន្តែបច្ចុប្បន្ន ពួកគាត់អះអាងថា ត្រូវបានបញ្ឈប់ពីការងារ ដោយមិនទាន់ទទួលបានការបញ្ជាក់អំពីមូលហេតុ និងនីតិវិធីដែលពាក់ព័ន្ធយ៉ាងច្បាស់លាស់ ពួកគាត់ក៏បានស្នើសុំឱ្យមានការពិនិត្យ និងស្រាវជ្រាវលើករណីនេះ ដើម្បីឱ្យដឹងថា ការបញ្ឈប់នេះធ្វើឡើងដោយផ្អែកលើមូលហេតុអ្វី និងត្រូវបានអនុវត្តតាមនីតិវិធីយ៉ាងដូចម្តេច។ ក្នុងនាមជាកងកម្លាំងដែលអះអាងថា បានបំពេញភារកិច្ចអស់រយៈពេលជាច្រើនឆ្នាំ ពួកគាត់សង្ឃឹមថា ថ្នាក់ដឹកនាំ និងស្ថាប័នពាក់ព័ន្ធ នឹងមេត្តាយកចិត្តទុកដាក់ ពិនិត្យករណីនេះដោយតម្លាភាព និងផ្តល់ការបំភ្លឺឱ្យបានច្បាស់លាស់។ សំណូមពររបស់កងកម្លាំងទាំង ១៨រូប គឺចង់បានតែភាពច្បាស់លាស់ និងដំណោះស្រាយសមស្របតាមនីតិវិធី ដើម្បីឱ្យភាគីពាក់ព័ន្ធទទួលបានការយល់ដឹងដូចគ្នា និងជៀសវាងការយល់ច្រឡំចំពោះករណីនេះ៕