柬埔寨环境部严打电子垃圾非法入境 违规进口将受严惩

ថ្មីៗនេះ ក្រសួងបរិស្ថានបានក្រើនរំឭក និងស្នើអភិបាលរាជធានី ខេត្តឲ្យចាត់វិធានការផ្លូវច្បាប់លើការនាំចូលសំណល់អាគុយ សំណល់បរិក្ខារអគ្គិសនី និងគ្រឿងអេឡិចត្រូនិក ដ្បិតសំណល់ទាំងនេះមានផ្ទុកសារធាតុគីមី និងលោហៈធ្ងន់ជាច្រើនប្រភេទដែលអាចបង្កគ្រោះថ្នាក់ធ្ងន់ធ្ងរដល់សុខភាពសាធារណៈ និងបរិស្ថាន។ លោក អ៊ាង សុផល្លែត រដ្ឋមន្រ្តីក្រសួងបរិស្ថាន បានថ្លែងនៅក្នុងកិច្ចសម្ភាសផ្តាច់ជាមួយលោក ដួង សុខា នៃទូរទស្សន៍CNC ថា សំណល់ទាំងនេះត្រូវបាននាំចូលតាមច្រកផ្លូវគោក និងផ្លូវទឹកដោយក្រុមហ៊ុនជាច្រើន ក្រោមរូបភាពបន្លំជាវត្ថុធាតុដើមដើម្បីវិនិយោគស្ល និងកែច្នៃវត្ថុធាតុដើមនាំចេញទៅក្រៅប្រទេស ព្រមទាំងក្រោមរូបភាពផ្សេងទៀត។ សំណល់ទាំងនេះត្រូវបានលួចនាំចូលពីប្រទេសអភិវឌ្ឍមកកាន់ប្រទេសកំពុងអភិវឌ្ឍ។ លោក អ៊ាង សុផល្លែត បានសង្កត់ធ្ងន់ថា រដ្ឋាភិបាលកម្ពុជា មិនអនុញ្ញាតឱ្យកម្ពុជាក្លាយជាធុងសំរាមនៃសំណល់អេឡិចត្រូនិកដែលគេបោះចោលឡើយ។ #ExclusiveInterview