美国国防部官员访柬 旨在加强双边关系

អនុរដ្ឋមន្ត្រីសង្គ្រាមអាមេរិកជួបពិភាក្សាការងារជាមួយនាយករដ្ឋមន្ត្រីកម្ពុជា អនុរដ្ឋមន្ត្រីសង្គ្រាមសហរដ្ឋអាមេរិក Elbridge A. Colby ទទួលបន្ទុកនយោបាយ បានចូលជួបសម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅវិមានសន្តិភាព ក្នុងជំនួបសម្តែងការគួរសម និងពិភាក្សាការងារនាព្រឹកថ្ងៃសុក្រ ទី១៤ ខែសីហា ឆ្នាំ២០២៦។ បើតាមសេចក្ដីប្រកាសព័ត៌មានរបស់ U.S. Department of War ដំណើរទស្សនកិច្ចរបស់មន្ត្រីជាន់ខ្ពស់ក្រសួងសង្គ្រាមសហរដ្ឋអាមេរិក មកកាន់កម្ពុជា គឺជាផ្នែកមួយនៃដំណើរទស្សនកិច្ចមកកាន់បណ្ដាប្រទេសក្នុងតំបន់អាស៊ីអាគ្នេយ៍ដូចជា ប្រទេសហ្វីលីពីន ឥណ្ឌូនេស៊ី ថៃ និងកម្ពុជា ដើម្បីជំរុញទំនាក់ទំនងទ្វេភាគី។ដំណើរទស្សនកិច្ចនេះ បញ្ជាក់ឡើងវិញនូវការប្តេជ្ញាចិត្តរបស់ក្រសួង ក្នុងការកសាងសន្តិភាពប្រកបដោយចីរភាពនៅក្នុងតំបន់ តាមរយៈភាពរឹងមាំ។ គួរកត់សម្គាល់ថា មួយរយៈចុងក្រោយនេះ មន្ត្រីជាន់ខ្ពស់សហរដ្ឋអាមេរិក បានបំពេញទស្សនកិច្ចនៅកម្ពុជាជាញឹកញាប់ បន្ទាប់ពីទំនាក់ទំនងរវាងប្រទេសទាំងពីរបានខិតជិតគ្នាឡើងវិញ កាលពីឆ្នាំ២០២៥ កន្លងទៅ នៅពេលដែលប្រធានាធិបតីសហរដ្ឋអាមេរិក ដូណាល់ ត្រាំ បានលូកដៃសម្របសម្រួលបញ្ហាជម្លោះប្រដាប់អាវុធរវាងកម្ពុជា ថៃ នៅតាមបណ្ដោយព្រំដែន។