第39届世界女童军大会在暹粒正式开幕

ប្រសាសន៍ដើមរបស់_«លោកជំទាវបណ្ឌិត_ពេជ_ចន្ទមុន្នី_ហ៊ុនម៉ាណែត» ក្នុងពិធីបើកមហាសន្និបាតកាយឫទ្ធិនារីពិភពលោកលើកទី៣៩ និងកិច្ចប្រជុំប្រចាំឆ្នាំលើកទី៤២ របស់សហគមន៍ OB-PS ថ្ងៃនេះគឺជាថ្ងៃដ៏មានអត្ថន័យ និងជាមោទនភាពដ៏ធំធេងសម្រាប់ព្រះរាជាណាចក្រកម្ពុជា ក៏ដូចជាសម្រាប់សមាគមកាយប្ញទ្ធិនារីកម្ពុជា ដែលយើងបានជួបជុំគ្នានៅលើទឹកដីសៀមរាបអង្គរ ដើម្បីបើកជាផ្លូវការនូវមហាសន្និបាតពិភពលោកលើកទី៣៩ របស់ WAGGGS និងកិច្ចប្រជុំប្រចាំឆ្នាំលើកទី៤២ របស់សមាគម Olave Baden-Powell Society (OB-PS) ឆ្នាំ២០២៦ ។ នាងខ្ញុំសូមសម្តែងនូវការដឹងគុណយ៉ាងជ្រាលជ្រៅបំផុតជូន សម្តេចមហាបវរធិបតី នាយករដ្ឋមន្ត្រី ដែលបានផ្តល់កិត្តិយសដ៏ខ្ពង់ខ្ពស់អញ្ជើញជាអធិបតីក្នុងពិធីបើកមហាសន្និបាតកាយឫទ្ធិនារីពិភពលោកលើកទី៣៩ និងកិច្ចប្រជុំប្រចាំឆ្នាំលើកទី៤២ របស់សហគមន៍ OB-PS នាព្រឹកនេះ។ វត្តមានដ៏ឧត្តុង្គឧត្តមរបស់ សម្តេចបវរធិបតី បានធ្វើឱ្យពិធីនេះកាន់តែមានអត្ថន័យ និងតម្លៃកើនទ្វេឡើង ហើយក៏បានឆ្លុះបញ្ចាំងអំពីការយកចិត្តទុកដាក់យ៉ាងខ្លាំងរបស់កម្ពុជាក្នុងការលើកកម្ពស់ស្ត្រី យុវតី រួមទាំងកុមារី និងការគាំទ្រដល់ការចូលរួមរបស់ពួកគេក្នុងការកសាងសង្គម និងអនាគតជាតិ។ [Website](https://www.tiktok.com/@btvcambodia) |[ Facebook](https://web.facebook.com/btvnewstv/) | [Telegram](https://t.me/btvnewscambodia) | [TikTok](https://www.tiktok.com/@btvcambodia)