安东医院在磅湛省开展大型义诊 超2000名居民获免费眼科检查与手术

[来源: 柬埔寨国家电视台] [分类提示: NEWS] 标题: គ្រូពេទ្យមនី្ទរពេទ្យព្រះអង្គឌួង ចុះពិនិត្យភ្នែក ផ្តល់វ៉ែនតា និងវះកាត់ ដោយឥតគិតថ្លៃ ជូនពលរដ្ឋខេត្តកំពង់ចាម ក្រុមការងារគ្រូពេទ្យមនី្ទរពេទ្យព្រះអង្គឌួង នៃក្រសួងសុខាភិបាល នាព្រឹកថ្ងៃទី២៥ ខែមេសា ឆ្នាំ២០២៦ បានចុះពិនិត្យសុខភាពភ្នែក ផ្តល់វ៉ែនតា និងវះកាត់ ដោយឥតគិតថ្លៃ ជូនបងប្អូនប្រជាពលរដ្ឋរស់នៅក្នុងស្រុកសី្រសន្ធរ ខេត្តកំពង់ចាម ស្ថិតក្នុងបរិវេណមនី្ទរពេទ្យបង្អែកស្រីសន្ធរ បានចំនួនជាង២០០០នាក់។ ឯកឧត្តមសាស្ត្រាចារ្យ រង លូ លីឃាង ទីប្រឹក្សាក្រសួងសុខាភិបាល និងជានាយកមន្ទីរពេទ្យព្រះអង្គឌួង បានថ្លែងអំណរគុណយ៉ាងជ្រាលជ្រៅចំពោះអាជ្ញាធរស្រុក មន្ទីរសុខាភិបាលនៃរដ្ឋបាលខេត្តកំពង់ចាម ដែលបានសហការយ៉ាងជិតស្និទ្ធក្នុងការរៀបចំ កម្មវិធីដ៏មានអត្ថន័យនេះ ក៏សូមថ្លែងអំណរគុណយ៉ាងស្មោះស្ម័គ្រចំពោះអង្គការ One Sight Essilor Luxottica Foundation, Bloomberg (ប៊្លូមប៊ឺក)  និងមូលនិធិ Fred Hollows Foundation Cambodia ដែលបានផ្តល់ការគាំទ្រផ្នែកបច្ចេកទេស និងថវិកា ដើម្បីធ្វើឱ្យកម្មវិធីនេះអាចប្រព្រឹត្តទៅបានដោយជោគជ័យ។  ការថែទាំសុខភាពភ្នែក គឺជាផ្នែកសំខាន់មួយនៃសុខភាពសាធារណៈ ព្រោះការមានភ្នែក ដែលមានសុខភាពល្អ អាចជួយឱ្យប្រជាពលរដ្ឋរស់នៅបានប្រកបដោយគុណភាព បង្កើនផលិតភាពក្នុងជីវភាពរស់នៅ និងការងារប្រចាំថ្ងៃ។ ជាពិសេសពិនិត្យភ្នែកឱ្យបានទៀងទាត់ ទោះបីជាភ្នែកមិនមានបញ្ហាក៏ដោយ អ្នកគួរទៅជួបគ្រូពេទ្យភ្នែកយ៉ាងហោចណាស់ ១ឆ្នាំម្តង ដើម្បីពិនិត្យមើលសុខភាពភ្នែកទូទៅ។ ទន្ទឹមគ្នានោះដែរតាងនាមឲ្យក្រុមការងារគ្រូពេទ្យផ្នែកចក្ខុរោគ លោកស្រីសាស្រ្តាចារ្យជំនួយ ជុកម៉ុល កុសុម៉ា នាយិការង នៃមនី្ទរពេទ្យព្រះអង្គឌួង ពិតជាមានសេចកី្តសប្បាយរីករាយខ្លាំងណាស់ ដែលបានឃើញបងប្អូនប្រជាពលរដ្ឋជាច្រើន អញ្ជើញមកទទួលការពិនិត្យសុខភាពភ្នែក ក៏ដូចជាទទួលវ៉ែនតា និងថ្នាំបណ្តក់ភ្នែកត្រឡប់ទៅគេហដ្ឋា