柬埔寨红十字会慰问殉职军人遗属 布拉索昆致哀

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ប្រតិភូអញ្ជើញគោរពវិញ្ញាណក្ខន្ធ និងចូលរួមរំលែកទុក្ខយ៉ាងក្រៀមក្រំបំផុតជាមួយក្រុមគ្រួសារសព លោក ប្រាក់ ពិសាន ដែលបានពលីជីវិតក្នុងពេលបំពេញបេសកកម្មការពារបូរណភាពទឹកដីតាមបណ្តោយព្រំដែន។ ក្នុងឱកាសដ៏សែនក្ដុកក្ដួលនោះ ប្រតិភូកាកបាទក្រហមកម្ពុជា បាននាំយកនូវសារលិខិតរំលែកទុក្ខរបស់ សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ដែលសម្តែងនូវក្តីសោកស្តាយអាឡោះអាល័យជាពន់ពេក។ ការបាត់បង់ លោក ប្រាក់ ពិសាន គឺជាការបាត់បង់យុទ្ធជនដ៏ល្អ ដែលមានទឹកចិត្តអង់អាចក្លាហាន មោះមុត លះបង់ដើម្បីបុព្វហេតុជាតិមាតុភូមិ។ ពិធីបុណ្យសពត្រូវបានប្រារព្ធធ្វើឡើងតាមប្រពៃណីនៅបរិវេណវត្តធម្មវិបស្សនារាម (វត្តតាភេម) ស្ថិតក្នុងសង្កាត់កំបូល ខណ្ឌកំបូល រាជធានីភ្នំពេញ។