司法部开展法律咨询培训 提升基层法律服务质量

នាយកដ្ឋានដោះស្រាយវិវាទក្រៅប្រព័ន្ធតុលាការ និងជំនួយផ្នែកច្បាប់ នៃអគ្គនាយកដ្ឋានកិច្ចការរដ្ឋប្បវេណី សហការជាមួយ អង្គការនារីដើម្បីសន្តិភាព បានរៀបចំវគ្គបណ្តុះបណ្តាលស្តីពី ជំនាញគន្លឹះ នៃការផ្តល់សេវាប្រឹក្សាយោបល់ផ្នែកច្បាប់ ជូនដល់មន្ត្រី និងមេធាវីស្ម័គ្រចិត្ត​ប្រចាំ គម្រោងផ្តល់សេវាប្រឹក្សាយោបល់ផ្នែកច្បាប់ដោយឥតគិតថ្លៃជូនប្រជាពលរដ្ឋ ===================== នៅថ្ងៃទី ១០-១១ ខែកញ្ញា ឆ្នាំ២០២៦ ដោយទទួលគោលការណ៍ដ៏ខ្ពង់ខ្ពស់ពី ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌, នាយកដ្ឋានដោះស្រាយវិវាទក្រៅប្រព័ន្ធតុលាការ និងជំនួយផ្នែកច្បាប់ នៃអគ្គនាយកដ្ឋានកិច្ចការរដ្ឋប្បវេណី សហការជាមួយ អង្គការនារីដើម្បីសន្តិភាព បានរៀបចំវគ្គបណ្តុះបណ្តាលស្តីពី ជំនាញគន្លឹះ នៃការផ្តល់សេវាប្រឹក្សាយោបល់ផ្នែកច្បាប់ ជូនដល់មន្ត្រី និងមេធាវីស្ម័គ្រចិត្ត​ប្រចាំគម្រោងផ្តល់សេវាប្រឹក្សាយោបល់ផ្នែកច្បាប់ដោយឥតគិតថ្លៃ ជូនប្រជាពលរដ្ឋ។ ពិធីបើកវគ្គបណ្តុះបណ្តាលនេះ មានការអញ្ជើញជាអធិបតីពីសំណាក់ ឯកឧត្តម ប៉ូច សោភ័ណ អនុរដ្ឋលេខាធិការក្រសួងយុត្តិធម៌ និង ឯកឧត្តម យ៉ម ផារ៉ូត ប្រតិភូរាជរដ្ឋាភិបាល និងជាអគ្គនាយក​ នៃអគ្គនាយកដ្ឋានកិច្ចការរដ្ឋប្បវេណី និងដោយមានការចូលរួមពី ថ្នាក់ដឹកនាំ និងមន្ត្រី នៃនាយកដ្ឋានដោះស្រាយវិវាទក្រៅប្រព័ន្ធតុលាការ និងជំនួយផ្នែកច្បាប់ និងមេធាវីស្ម័គ្រចិត្ត​ប្រចាំគម្រោង សរុបចំនួន ៣០ រូប។ សូមគូសបញ្ជាក់ថា វគ្គបណ្តុះបណ្តាលរយៈពេល ២ ថ្ងៃនេះ ត្រូវបានរៀបចំឡើងក្នុងគោលបំណងពង្រឹងចំណេះដឹង ជំនាញ និងឥរិយាបថរបស់អ្នកផ្តល់សេវា ក្នុងការសម្ភាស, វិភាគបញ្ហា, ផ្តល់ប្រឹក្សា, បង្ហាញជម្រើស និងរៀបចំផែនការផ្នែកច្បាប់ ដោយផ្តោតយកជាគោលលើបុគ្គលស្នើសុំជំនួយ, ការគោរពសិទ្ធិ, សេចក្តីថ្លៃថ្នូរ, និងឆន្ទៈរបស់អ្នកស្នើសុំ ដោយធានាការអនុវត្តស្របតាមស្តង់ដាប្រតិបត្តិ (SOP) និងក្រមសីលធម៌វិជ្ជាជីវៈ។