萨拉查朱协会成立10周年庆典在金边Kampus大厦举办

«សមាគមសាលាត្រាជូ» ១០ឆ្នាំក្នុងបេសកកម្មបណ្ដុះបណ្ដាលធនធានមនុស្សក្នុងវិស័យច្បាប់ ភ្នំពេញ៖ នៅថ្ងៃទី៩ ខែឧសភា សមាគមសាលាត្រាជូ បានប្រារព្ធកម្មវិធីខួប១០ឆ្នាំរបស់ខ្លួន និងសម្ពោធព្រឹត្តិបត្រច្បាប់លេខពិសេសទី៨ នៅទីតាំងអគារ Kampus ភ្នំពេញ។ កម្មវិធីនេះមានការចូលរួមពីសមាជិក-សមាជិកាស្ថាបនិក សិស្សនិស្សិតច្បាប់ជាច្រើននាក់ផងដែរ។ គួរជម្រាបថា សមាគមសាលាត្រាជូ ត្រូវបានបង្កើតឡើងដោយសមាជិក សមាជិកាស្ថាបនិកភាគច្រើនជាអតីតនិស្សិតថ្នាក់ពិសេសនីតិសាស្ត្រភាសាបារាំងជំនាន់២០១០ ដែលបានបញ្ចប់បរិញ្ញាបត្រជាន់ខ្ពស់លើមុខជំនាញច្បាប់សាធារណៈ និងឯកជនពីបរទេស និងមានជំនាញគ្របដណ្តប់ទាំងទិដ្ឋភាពនីតិប្រៀបធៀប នីតិជាតិ និងអន្តរជាតិ។ សមាគមសាលាត្រាជូ ដែលត្រូវបានបង្កើតឡើងកាលពីឆ្នាំ២០១៦ មានគោលបំណងប្រមូលផ្តុំអ្នកច្បាប់ជាតិ និងអន្តរជាតិ ក្នុងឆន្ទៈជំរុញការសិក្សាស្រាវជ្រាវ និងអប់រំផ្នែកនីតិសាស្ត្រឱ្យកាន់តែមានលក្ខណៈល្អប្រសើរប្រកបដោយលក្ខណៈវិទ្យាសាស្រ្តគ្រប់គ្រាន់៕