国防部辟谣奥斯马口岸枪击事件 称系泰方虚假指控

«រឿងពិត៖ ទាហានថៃបាញ់គំរាមជនបរទេសនៅអូរស្មាច់ តែបែរប្រឌិតព័ត៌មានថា ទាហានកម្ពុជាបាញ់១១គ្រាប់» !!! អ្នកនាំពាក្យក្រសួងការពារជាតិកម្ពុជា បានចេញមុខបដិសេធការចុះផ្សាយរបស់សារព័ត៌មានថៃមួយចំនួនដែលចោទប្រកាន់ថា កងកម្លាំងកម្ពុជាបានបាញ់កាំភ្លើង១១គ្រាប់ នៅច្រកអន្តរជាតិអូរស្មាច់ ខេត្តឧត្តរមានជ័យ ដោយចាត់ទុកថា ជាព័ត៌មានមិនពិត និងជាការមួលបង្កាច់យ៉ាងធ្ងន់ធ្ងរ។ តាមការពិត ការផ្សព្វផ្សាយនេះ ត្រូវបានមើលឃើញថា ជាការបង្កើតព្រឹត្តិការណ៍បំភាន់ ដើម្បីបិទបាំងរឿងពិតមួយផ្សេងទៀត ដែលភាគីថៃធ្លាប់ប្រើជាញឹកញាប់កន្លងមក។ ជាក់ស្តែង នៅព្រឹកថ្ងៃទី១៣ ខែឧសភា ទាហានថៃបានធ្វើសកម្មភាពបាញ់គំរាមទៅលើលោក Kevin Smith ជាជនបរទេស និងអ្នកផលិតមាតិកា ដែលកំពុងផ្សព្វផ្សាយអំពីស្ថានភាពពិតនៃការឈ្លានពាន និងការគ្រប់គ្រងដោយខុសច្បាប់របស់ទាហានថៃលើផ្នែកខ្លះនៃដែនអធិបតេយ្យភាពកម្ពុជា។ សូមទស្សនាវីដេអូទាំងស្រុង នៃសកម្មភាពបាញ់គំរាមរបស់ទាហានថៃទៅលើលោក Kevin Smith៖