磅湛省榴莲生产者协会正式成立 规范化管理提升出口品质

ឯកឧត្តម កឹម សុខុន រដ្ឋលេខាធិការក្រសួងពាណិជ្ជកម្ម អញ្ជើញចូលរួមជាអធិបតីបើកមហាសន្និបាត កំណើតដំបូងរបស់សហគមន៍ផលិតករ និងអាជីវករទុរេនបែកអន្លូង(ស.ទ.ប) ... (កំពង់ចាម)៖ នាព្រឹកថ្ងៃសុក្រ ទី៥ ខែមិថុនា ឆ្នាំ២០២៦ ឯកឧត្តម កឹម សុខុន រដ្ឋលេខាធិការ ក្រសួងពាណិជ្ជកម្ម បានអញ្ជើញចូលរួមជាអធិបតីបើកមហាសន្និបាតកំណើតដំបូងរបស់សហគមន៍ ផលិតករ និងអាជីវករទុរេនបែកអន្លូង(ស.ទ.ប) ដែលមានការអញ្ជើញចូលរួមពី ឯកឧត្តម ឡោ ចាន់លី អភិបាលរង និងជាតំណាងរបស់ ឯកឧត្តមអភិបាលនៃគណៈអភិបាលខេត្តកំពង់ចាម លោក សួន វិជ្ជា ប្រធាននាយកដ្ឋានកម្មសិទ្ធិបញ្ញា ប្រធានមន្ទីរពាណិជ្ជកម្មខេត្ត ប្រធានមន្ទីរឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍ ប្រធានមន្ទីរទេសចរណ៍ អភិបាលស្រុក តំណាងសហគមន៍ អាជីវករ អ្នកប្រមូលទិញ អ្នកដាំដុះទុរេន ជាច្រើនរូប។ មហាសន្និបាតនេះ រៀបចំឡើងក្នុងគោលបំណងដើម្បីពិនិត្យនិងអនុម័តលើសេចក្តីព្រាងបទបញ្ជារួម គ្រប់គ្រងការប្រើប្រាស់ និងលក្ខន្តិកៈរបស់សហគមន៍ផលិតករនិងអាជីវករទុរេនបែកអន្លូង ព្រមទាំងរៀបចំបោះ ឆ្នោតជ្រើសរើសគណៈកម្មាការប្រតិបត្តិរបស់សហគមន៍ផលិតករ និងអាជីវករទុរេនបែកអន្លូង។ ជាលទ្ធផល អង្គសន្និបាតកំណើតដំបូង បានបោះឆ្នោតអនុម័តយល់ព្រមទៅលើ ១. លក្ខន្តិកៈរបស់សហគមន៍ផលិតករនិងអាជីវករទុរេនបែកអន្លូង; ២. បទបញ្ជារួមគ្រប់គ្រងការប្រើប្រាស់ របស់សហគមន៍ និង ៣. ជ្រើសរើសប្រធាន១រូប និងអនុប្រធាន ២រូប និងសមាជិក សមាជិកា គណៈកម្មាការប្រតិបត្តិសហគមន៍ចំនួន ៨រូប៕ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))