隆边区政府治理违停 108号路安装隔离桩

រដ្ឋបាលខណ្ឌដូនពេញ បំភ្លឺរឿងចងខ្សែបង្គោលថ្ម ដើម្បីទប់ស្កាត់ការយករថយន្តមកចតលើផ្លូវសាធារណៈ រដ្ឋបាលខណ្ឌដូនពេញ បានចេញមកបំភ្លឺជុំវិញការចងខ្សែភ្ជាប់បង្គោលដុំថ្មនៅតាមផ្លូវ ដោយបញ្ជាក់ថា ការធ្វើបែបនេះមានគោលបំណងទប់ស្កាត់ការយករថយន្តរបស់ប្រជាពលរដ្ឋដែលមានលំនៅឋាននៅក្បែរនោះ មកចតទុកចោលលើផ្លូវសាធារណៈ។ រដ្ឋបាលខណ្ឌបានបញ្ជាក់ថា ការចងខ្សែនេះ មិនមែនធ្វើឡើងដើម្បីទុកកន្លែងជាចំណតរថយន្តនោះទេ ប៉ុន្តែជាវិធានការទប់ស្កាត់ការយកផ្លូវសាធារណៈមកធ្វើជាកន្លែងចតរថយន្ត។ រដ្ឋបាលខណ្ឌក៏បានឱ្យដឹងថា ចំពោះបញ្ហាចំណតរថយន្តនៅតំបន់នេះ អាជ្ញាធរបានចុះផ្សព្វផ្សាយ និងណែនាំជារៀងរាល់ថ្ងៃ ប៉ុន្តែការចូលរួមរបស់ប្រជាពលរដ្ឋនៅមិនទាន់បានពេញលេញនៅឡើយ។ សូមបញ្ជាក់ថា ទីតាំងដែលមានការយកផ្លូវសាធារណៈធ្វើជាកន្លែងចតរថយន្ត ស្ថិតតាមបណ្តោយ វិថីឧកញ៉ា អ៊ឹង ប៊ុនហ៊ូវ (ផ្លូវលេខ១០៨) ក្នុងសង្កាត់វត្តភ្នំ ខណ្ឌដូនពេញ រាជធានីភ្នំពេញ។