西哈莫尼国王结束在华治疗今日回国 医疗团队随行

ព្រះករុណា និងសម្តេចព្រះមហាក្សត្រី យាងនិវត្តន៍ដល់មាតុប្រទេសវិញហើយ ព្រះករុណា ព្រះបាទ សម្តេច ព្រះបរមនាថ នរោត្តម សីហមុនី និងសម្តេចព្រះមហាក្សត្រី បានយាងនិវត្តន៍មកដល់មាតុប្រទេសវិញហើយ នៅរសៀលថ្ងៃទី៣ ខែកក្កដានេះ។ ការយាងនិវត្តន៍របស់ព្រះអង្គទាំងទ្វេ គឺបន្ទាប់ពីព្រះរាជសុខភាព របស់អង្គព្រះមហាក្សត្រ មានភាពប្រសើរឡើងវិញជាបណ្តើរៗហើយ ក្រោយព្រះករុណា ស្តេចបានគង់ប្រថាប់ព្យាបាលព្រះរោគដោយការវះកាត់ និងក្រោមការពិនិត្យតាមដាន ថែទាំយ៉ាង ម៉ត់ចត់ ពីក្រុមគ្រូពេទ្យចិន នៅព្រះរាជដំណាក់រដ្ឋធានីប៉េកាំង ប្រទេសចិន អស់រយៈពេលជាងបីខែកន្លងមក។ បើតាមក្រសួងព្រះបរមរាជវាំង ក្រុមគ្រូពេទ្យចិន នឹងបន្តថ្វាយការពិនិត្យ តាមដាន និងថែទាំ ព្រះរាជសុខភាព ព្រះករុណា ជាបន្តនៅបរមរាជវាំង រាជធានីភ្នំពេញ។