金边当局安置7名流浪人员 提供住所与工作机会

អាជ្ញាធរខណ្ឌដង្កោ ចុះជួបជនភៀសខ្លួន ៧នាក់ ដែលមកពីខេត្តបន្ទាយមានជ័យ និងជួយរកទីជម្រក ព្រមទាំងការងារឱ្យធ្វើ (ភ្នំពេញ)៖ ជនភៀសខ្លួនចំនួន ៧នាក់ ដែលអះអាងថា បានធ្វើដំណើរមកពីឃុំរហាត់ទឹក ស្រុកមង្គលបូរី ខេត្តបន្ទាយមានជ័យ ហើយកំពុងស្នាក់នៅលើដីវាលមួយកន្លែងក្នុងសង្កាត់ស្ពានថ្ម ខណ្ឌដង្កោ រាជធានីភ្នំពេញ ត្រូវបានអាជ្ញាធរចុះទៅជួបផ្ទាល់ និងយកអំណោយមួយចំនួនទៅប្រគល់ជូននៅថ្ងៃទី១០ ខែកញ្ញា ឆ្នាំ២០២៦នេះ។ ក្នុងឱកាសចុះជួបនេះ អាជ្ញាធរបានយកចិត្តទុកដាក់ចំពោះជីវភាព និងសុវត្ថិភាពរបស់ពួកគាត់ ដោយបានសម្របសម្រួល រកទីកន្លែង និងបន្ទប់ជួលសម្រាប់ស្នាក់នៅ ព្រមទាំងជួយ ស្វែងរកការងារឱ្យពួកគាត់ធ្វើ ដើម្បីអាចមានចំណូល និងមានលទ្ធភាពរៀបចំជីវភាពរស់នៅប្រចាំថ្ងៃ។ ការចុះជួយផ្ទាល់ និងដោះស្រាយបញ្ហាជាក់ស្តែងរបស់ប្រជាពលរដ្ឋដែលកំពុងជួបការលំបាកនេះ គឺជាសកម្មភាពមនុស្សធម៌មួយដែលគួរឱ្យកោតសរសើរ ជាពិសេសការជួយឱ្យពួកគាត់មាន ទីជម្រកសមរម្យ និងមុខរបររកចំណូល មិនមែនត្រឹមតែការផ្តល់ស្បៀងអាហារប៉ុណ្ណោះទេ។ សូមថ្លែងអំណរគុណចំពោះ អាជ្ញាធរមូលដ្ឋាន និងសមត្ថកិច្ចពាក់ព័ន្ធ ដែលបានចុះយកចិត្តទុកដាក់ និងជួយសម្របសម្រួលដល់ជនភៀសខ្លួនទាំង ៧នាក់ ឱ្យទទួលបានការថែទាំ និងទីជម្រកសមរម្យ។ សកម្មភាពនេះបានបង្ហាញពីការយកចិត្តទុកដាក់ចំពោះប្រជាពលរដ្ឋដែលកំពុងជួបការលំបាកក្នុងគ្រាលំបាក។ សូមអរគុណចំពោះអាជ្ញាធរ ដែលមិនទុកឱ្យពួកគាត់នៅឯកោលើដីវាល និងបានជួយរកដំណោះស្រាយជាក់ស្តែងសម្រាប់ជីវិតរបស់ពួកគាត់៕