副总理旺西·维索警告 社媒假历史信息泛滥 青年易被误导

លោកឧបនាយករដ្ឋមន្ត្រី វង្សី វិស្សុត ប្រធានគណៈកម្មាធិការវប្បធម៌ ប្រវត្តិសាស្ត្រ និងអារ្យធម៌ខ្មែរ បានលើកឡើងថា ក្នុងយុគសម័យឌីជីថល កម្ពុជាកំពុងប្រឈមនឹងការសាយភាយព័ត៌មានមិនពិត និងការបកស្រាយប្រវត្តិសាស្ត្រដោយអត្តនោម័ត ខ្វះប្រភពច្បាស់លាស់ ទិន្នន័យ និងមូលដ្ឋានវិទ្យាសាស្ត្រ ជាពិសេសតាមបណ្តាញសង្គម។ ថ្លែងនៅថ្ងៃទី៣០ តុលា លោកបានបញ្ជាក់ថា ការស្រាវជ្រាវ និងការយល់ដឹងអំពីប្រវត្តិសាស្ត្រ និងវប្បធម៌ខ្មែរនៅមានកម្រិត ដែលបង្កការភ័ន្តច្រឡំក្នុងសាធារណជន ជាពិសេសយុវជន។ ការផ្សព្វផ្សាយអំពីប្រវត្តិសាស្ត្រ វប្បធម៌ និងអារ្យធម៌ខ្មែរភាគច្រើនត្រូវបានរៀបរាប់ដោយជនបរទេស ហើយករណីខ្លះមានភាពលម្អៀង និងមិនឆ្លុះបញ្ចាំងការពិត ដែលអាចធ្វើឱ្យកម្ពុជាបាត់បង់ភាពជាម្ចាស់ការលើការកំណត់អត្តសញ្ញាណ និងការរៀបរាប់ពីប្រវត្តិសាស្ត្ររបស់ខ្លួន។ គណៈកម្មាធិការវប្បធម៌ ប្រវត្តិសាស្ត្រ និងអារ្យធម៌ខ្មែរ (អ.វ.ប.អ.) ដែលបង្កើតឡើងក្នុងឆ្នាំ២០២៦ មានសមាជិកចំនួន៥រូប ដែលមិនស្ថិតក្នុងក្រសួង ឬស្ថាប័នរដ្ឋណាមួយ ក្នុងនោះមានលោក អាំង ជូលាន ដែលជាបណ្ឌិតនរវិទ្យា និងជាសាស្ត្រាចារ្យខ្មែរដ៏ឆ្នើមមួយរូប។ [**Join AMS One-minute**](https://t.me/ams1minute)