柬埔寨红十字会纪念成立71周年 强调人道主义中立原则

[来源: 柬埔寨国家电视台] [分类提示: NEWS] 标题: ឯកឧត្តមរដ្ឋមន្ត្រី នេត្រ ភក្ត្រា ប្រធានកិត្តិយស សាខាកាកបាទក្រហមកម្ពុជាខេត្តក្រចេះ ថ្លែងថា ស្មារតីដ៏សំខាន់បំផុតរបស់កាកបាទក្រហម គឺការជួយសង្គ្រោះមនុស្សដោយគ្មានការរើសអើង កាកបាទក្រហមជួយមនុស្ស ព្រោះគាត់ជាមនុស្ស។ កាកបាទក្រហមមិនសួរថា អ្នករងគ្រោះមាននិន្នាការនយោបាយអ្វី។ កាកបាទក្រហមមិនសួរថា គាត់គាំទ្រអ្នកណា។ កាកបាទក្រហមមិនសួរថា គាត់មានសាសនា ជាតិសាសន៍ ឬជីវភាពបែបណា។ អ្វីដែលកាកបាទក្រហមមើលឃើញជាមុនគេ គឺទុក្ខលំបាករបស់មនុស្ស។ អ្វីដែលកាកបាទក្រហមធ្វើជាមុនគេ គឺជួយសម្រាលទុក្ខលំបាកនោះ។ នេះគឺជាគោលការណ៍មនុស្សធម៌ដ៏ថ្លៃថ្នូរ។ នេះគឺជាស្មារតីដែលធ្វើឱ្យកាកបាទក្រហមក្លាយជាស្ពាននៃសេចក្តីសង្ឃឹម។ ការថ្លែងនូវចំណុចសំខាន់ៗខាងលើនេះ ធ្វើឡើងក្នុងឱកាសដែល ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន ប្រធានក្រុមការងាររាជរដ្ឋាភិបាលចុះមូលដ្ឋានខេត្ត និងជាប្រធានកិត្តិយស សាខាកាកបាទក្រហមកម្ពុជាខេត្តក្រចេះ អញ្ជើញជាអធិបតីក្នុងពិធីអបអរខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភា ២០២៦ និងខួប ៧១ឆ្នាំ នៃកាកបាទក្រហមកម្ពុជា ក្រោមមូលបទ “ បន្តរួមកម្លាំងគ្នា ដើម្បីមនុស្សធម៌ “ ដែលនបានធ្វើឡើងនៅព្រឹកថ្ងៃទី៩ ខែឧសភា ឆ្នាំ២០២៦ នាសាលមហោស្រពខេត្តក្រចេះ ។ ឯកឧត្តម នេត្រ ភក្ត្រា បានថ្លែងបញ្ជាក់ថា នៅពេលមានគ្រោះមហន្តរាយ មនុស្សរងគ្រោះមិនត្រូវការការបែងចែកទេ។ ពួកគេត្រូវការការជួយសង្គ្រោះ។ នៅពេលគ្រួសារមួយបាត់បង់ផ្ទះដោយភ្លើងឆេះ ឬខ្យល់កន្ត្រាក់ ពួកគេមិនត្រូវការការសួរថា គេជានរណា ឬមាននិន្នាការអ្វីទេ។ ពួកគេត្រូវការដៃមេត្តាដែលលាតមកជួយ។ នៅពេលជនចាស់ជរា ជនពិការ កុមារកំព្រា ឬអ្នកជំងឺកំពុងខ្វះខាត ពួកគេត្រូវការសង្គមមួយដែលមិនបំភ្លេចពួកគេ។ ដូច្នេះ កាកបាទក្រហមកម្ពុជា ត្រូវតែបន្តរក្សា និងពង្រឹងគោលការណ៍ដ៏ថ្លៃថ្នូរនេះ។ ជំនួយមនុស្សធម៌ត្រូវទៅដល់អ្