蒙多基里省在2026年高棉新年期间接待游客超2万人次

[来源: 柬埔寨国家电视台] [分类提示: NEWS] 标题: ខេត្តមណ្ឌលគិរី ទទួលបានភ្ញៀវទេសចរជាង ២ម៉ឺននាក់ ក្នុងរយៈពេល ៣ថ្ងៃ នៃពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំ២០២៦ ក្រោមបរិយាកាសសប្បាយរីករាយ មណ្ឌលគិរី ៖ នាឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំ២០២៦ រដ្ឋបាលខេត្តមណ្ឌលគិរី បានរៀបចំព្រឹត្តិការណ៍សង្រា្កន្តសែនមនោរម្យ និងការដង្ហែរក្បួនព្យុហយាត្រា ដើម្បីបង្ហាញពីការសាមគ្កីភាពគ្នា និងរំលឹកគុណវីរកងទ័ពជួរមុខ និងអបអរសាទរបុណ្យចូលឆ្នាំថ្មី នៅក្រុងសែនមនោរម្យ ទទួលបានការគាំទ្រយ៉ាងច្រើនពីមហាជន។ លោក ហ៊ាញ ប៊ុណ្ណា អភិបាលរងខេត្ត បានឱ្យដឹងថា ដោយមានការយកចិត្តទុកដាក់ពីឯកឧត្តម ថង សាវុន អភិបាលនៃគណៈអភិបាលខេត្តមណ្ឌលគិរី ការរៀបចំព្រឹត្តិការណ៍សង្រា្កន្តសែនមនោរម្យ ឆ្នាំ២០២៦នេះ មានការខុសប្លែកពីឆ្នាំមុនៗ ដោយរដ្ឋបាលខេត្ត បានរៀបចំដង្ហែក្បួនព្យុហយាត្រា និងរថយន្តបុស្បុក ដែលមានតំណាងរូបសេះ និងទេវតា និងមាន ២០ផែន ក្នុងនោះ មានផែន មន្រ្តីរាជការ បងប្អូនជនជាតិដើមភាគតិច កងកម្លាំងទាំងបី មន្ទីរអង្គភាពជុំវិញខេត្ត ក្រុង/ស្រុក មហាជន យុវជន និងសិស្សានុសិស្សយ៉ាងច្រើនកុះករ ដើរឈរជាជួរ ចាប់ពីបរិវេណវិមានឯករាជ្យ រហូតដល់សួនដំរីដែក ដើម្បីបង្ហាញពីការសាមគ្គីភាពគ្នា រវាងបងប្អូនជនជាតិដើមភាគតិច និងបងប្អូនជនជាតិខ្មែរ ជាពិសេស បង្ហាញពីអត្តសញ្ញាណ សម្លៀកបំពាក់តាមវិស័យស្ថាប័ននីមួយៗ។ ម្យ៉ាងទៀត ជាការគោរពដឹងគុណ និងចងចាំជានិច្ចនូវវីរភាពដ៏អង់អាចក្លាហាន ការលះបង់សាច់ស្រស់ឈាមស្រស់ និងអាយុជីវិតក្នុងបុព្វហេតុការពារបូរណភាពទឹកដី របស់បងប្អូនវីរកងទ័ព និងវីរនគរបាលជាតិ នៅតាមខ្សែបន្ទាត់ព្រំដែន។ លោក បន្ថែមថា ក្នុងព្រឹត្តិការណ៍សង្រា្កន្តសែនមនោរម្យនេះ ក៏មានរបាំត្រុឌ របាំជូនពរ និងរបាំរបស់បងប្អូនជនជាតិដើមភាគតិច ដើម្បីបង្ហាញពីកម្លាំងសាមគ្គីមួយ ដល់មហាជន ឱ្យស្គាល់ពីស្ថានភាព និងការរស់នៅរបស់ប្រជាពលរដ្ឋនៅខេត្តម