日本东北部发生7.5级地震，当局发布海啸预警

ជប៉ុនប្រកាសអាសន្នរលកយក្សស៊ូណាមិ ក្រោយគ្រោះរញ្ជួយដីកម្លាំង ៧,៥ រ៉ិចទ័រ គ្រោះរញ្ជួយដីដ៏ខ្លាំងក្លាមួយដែលមានកម្លាំងដល់ទៅ ៧,៥ រ៉ិចទ័រ បានវាយប្រហារនៅឆ្នេរសមុទ្រភាគឦសាននៃប្រទេសជប៉ុន កាលពីថ្ងៃចន្ទនេះ។ ភ្លាមៗនោះ អាជ្ញាធរបានចេញបម្រាមឱ្យប្រជាជននៅឆ្ងាយពីតំបន់ឆ្នេរ ដោយសារការព្រួយបារម្ភពីការកើតមានរលកយក្សស៊ូណាមិ ដែលអាចមានកម្ពស់រហូតដល់ ៣ ម៉ែត្រ។ យោងតាមទីភ្នាក់ងារឧតុនិយមជប៉ុន បានឱ្យដឹងថា ចំណុចកណ្តាលនៃរញ្ជួយដីនេះ គឺស្ថិតនៅក្នុងមហាសមុទ្រប៉ាស៊ីហ្វិក ដែលមានជម្រៅប្រមាណ ១០គីឡូម៉ែត្រ ក្រោមបាតសមុទ្រ។ រលកយក្សដែលមានកម្ពស់ខ្ពស់បំផុត ត្រូវបានគេរំពឹងថានឹងវាយប្រហារដល់ខេត្តចំនួន ៣ រួមមាន៖ ខេត្ត Iwate, Aomori និង Hokkaido។ បច្ចុប្បន្ន អាជ្ញាធរកំពុងតាមដានស្ថានភាពនេះយ៉ាងដិតដល់បំផុត រួមទាំងអំពាវនាវឱ្យប្រញាប់ជម្លៀសខ្លួនទៅកាន់ទីទួលសុវត្ថិភាពជាបន្ទាន់។ ប្រភព៖ Reuter