柬埔寨三大政府部门公务员招考 5月29日正式启动

គណៈកម្មការរៀបចំការប្រឡងប្រជែង សូមប្រកាសទទួលស្គាល់ «អ្នកសង្កេតការណ៍ស្ម័គ្រចិត្ត» ដែលត្រូវចូលរួមសង្កេតការណ៍ក្នុងដំណើរការ ប្រឡងប្រជែងជ្រើសរើសមន្រ្តីរាជការឱ្យចូលបម្រើការងារក្នុងក្របខ័ណ្ឌក្រសួងយុត្តិធម៌ រដ្ឋលេខាធិការដ្ឋានកិច្ចការព្រំដែន និងក្រសួងការបរទេស និងសហប្រតិបត្តិការអន្តរជាតិ ដែលនឹងប្រព្រឹត្តទៅចាប់ពីថ្ងៃទី២៩ ខែឧសភា ឆ្នាំ២០២៦ រហូតដល់ការប្រឡងប្រជែងត្រូវបានបញ្ចប់ តាមកាលបរិច្ឆេទដែលបានកំណត់ក្នុងសេចក្តីជូនដំណឹង។ 👉 សូមអ្នកសង្កេតការណ៍ស្ម័គ្រចិត្តទាំងអស់ ត្រូវមកដល់មណ្ឌលប្រឡង និងមណ្ឌលកំណែ ឱ្យបានមុនម៉ោង “៦ព្រឹក” ដើម្បីទទួលយកប័ណ្ណសម្គាល់ខ្លួន និងព័ត៌មានពាក់ព័ន្ធផ្សេងៗ។ សូមអានបទប្បញ្ញត្តិ សម្រាប់អ្នកសង្កេតការណ៍ដូចមានជូនភ្ជាប់។