公务部与农林渔业部商讨基层农业官员考核标准

[ក្រសួងមុខងារសាធារណៈ និងក្រសួងកសិកម្ម រុក្ខាប្រមាញ់ និងនេសាទ ជួបប្រជុំគ្នា ដើម្បីពិនិត្យតារាងលក្ខណៈវិនិច្ឆ័យ និងឯកសារណែនាំ នៃការវាយតម្លៃ និងការទទួលស្គាល់មន្រ្តីកសិកម្មឃុំ-សង្កាត់គំរូ](https://www.facebook.com/share/p/16w8WDX31L/) ថ្នាក់ដឹកនាំ និងមន្ត្រីបច្ចេកទេសនៃក្រសួងមុខងារសាធារណៈ និងក្រសួងកសិកម្ម រក្ខាប្រម៉ាញ់ និងនេសាទ បានជួបប្រជុំគ្នា ដើម្បីពិនិត្យពិភាក្សាលើតារាងលក្ខណៈវិនិច្ឆ័យ និងឯកសារណែនាំ ស្តីពី «ការវាយតម្លៃ និងការទទួលស្គាល់មន្រ្តីកសិកម្មឃុំ-សង្កាត់គំរូ» ដើម្បីជំរុញការលើកកម្ពស់ប្រសិទ្ធភាព និងគុណភាពនៃការផ្តល់សេវាកសិកម្មនៅមូលដ្ឋានជូនប្រជាជន។ កិច្ចប្រជុំនេះប្រព្រឹត្តទៅនាព្រឹកថ្ងៃទី២ ខែមិថុនា ឆ្នាំ២០២៦ នៅសាលាភូមិន្ទរដ្ឋបាល ដឹកនាំដោយ​ ឯកឧត្តម ឆាយ ឆត្រាវុធ រដ្ឋលេខាធិការនៃក្រសួងមុខងារសាធារណៈ និងជាប្រធានអនុគណៈកម្មាធិការឧត្តមភាពសេវាសាធារណៈ។ កិច្ចប្រជុំពិភាក្សាលើលក្ខណៈវិនិច្ឆ័យ និងឯកសារណែនាំ នាពេលនេះ ដើម្បីកំណត់អំពីគោលការណ៍ នីតិវិធី និងយន្តការឱ្យបានច្បាស់លាស់ ធ្វើយ៉ាងណាឱ្យការអនុវត្តចលនាប្រឡងប្រណាំង ការផ្តល់សេវាកសិកម្មនៅមូលដ្ឋានរបស់មន្រ្តីកសិកម្មឃុំ សង្កាត់ ឈានទៅដល់ការដាក់ចេញនាពេលខាងមុខ។