蒙多基里省政府举行仪式，表彰在2026年高考中获得A

[来源: 柬埔寨国家电视台] [分类提示: NEWS] 标题: ថ្នាក់ដឹកនាំខេត្តមណ្ឌលគិរី អញ្ជើញសំណេះសំណាល និងប្រគល់រង្វាន់ជូនដល់សិស្សជ័យលាភីនិទ្ទេស A, B និង C នៃការប្រឡងសញ្ញាបត្រមធ្យមសិក្សាទុតិយភូមិ ខេត្តមណ្ឌលគិរី ៖ នាព្រឹកថ្ងៃទី១២ ខែកញ្ញា ឆ្នាំ២០២៦ ឯកឧត្តម ម៉ែន ង៉ុយ ប្រធានក្រុមប្រឹក្សាខេត្ត ឯកឧត្តម គង់ គឹមនី អភិបាល នៃគណៈអភិបាលខេត្តមណ្ឌលគិរី អញ្ជើញសំណេះសំណាល និងប្រគល់រង្វាន់លើកទឹកចិត្តជូនដល់សិស្សានុសិស្សដែលប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប) ទទួលបាននិទ្ទេស A, B និង C សម័យប្រឡងថ្ងៃទី១០ ខែសីហា ឆ្នាំ២០២៦ នៅអគារមិត្តភាព សាលាខេត្តមណ្ឌលគិរី។ ឯកឧត្តម គង់ គឹមនី អភិបាលខេត្ត បានសម្តែងនូវមោទនភាពយ៉ាងក្រៃលែងចំពោះលទ្ធផលប្រឡងបាក់ឌុប ដែលខេត្តមណ្ឌលគិរី ទទួលបានចំណាត់ថ្នាក់លេខ១ ទូទាំងប្រទេស លើភាគរយសិស្សប្រឡងជាប់។ ឯកឧត្តម បានថ្លែងអំណរគុណយ៉ាងជ្រាលជ្រៅចំពោះក្មួយៗសិស្សានុសិស្ស ដែលបានខិតខំរៀនសូត្រ ព្រមទាំងលោកគ្រូ-អ្នកគ្រូ មាតាបិតា អាណាព្យាបាល និងភាគីពាក់ព័ន្ធទាំងអស់ ដែលបានលះបង់ពេលវេលា និងឧបត្ថម្ភគាំទ្រគ្រប់បែបយ៉ាង។ ឯកឧត្តម បានគូសបញ្ជាក់ថា រាជរដ្ឋាភិបាលកម្ពុជា នីតិកាលទី៧ និងក្រសួងអប់រំ យុវជន និងកីឡា បានកំណត់យកការកែទម្រង់សាលារៀនជាអាទិភាព ដោយផ្តោតលើការពង្រឹងការគ្រប់គ្រងសាលារៀន, ការកែលម្អលទ្ធផលសិក្សា, វិន័យ សីលធម៌, និងសុខភាពសិស្ស។ ការអនុវត្តវិធានការគន្លឹះ ៤ យ៉ាង៖ រដ្ឋបាលខេត្តជំរុញអនុវត្តតាមអនុសាសន៍របស់ សម្តេចធិបតី ហ៊ុន ម៉ាណែត នាយករដ្ឋមន្ត្រី ដែលផ្តោតលើ៖ ទី១. ការពង្រឹងអភិបាលកិច្ចសាលារៀន ទី២. ការពិនិត្យ កែសម្រួល និងរៀបចំឡើងវិញនូវកម្មវិធីសិក្សា និងសកម្មភាពក្រៅម៉ោង ទី៣. ការយកចិត្តទុកដាក់លើសុខភាពសិស្ស និងអាហាររូបត្ថម្ភ និងទី៤. ការជំរុញ និងលើកទឹកចិត្តមាតាបិតា អាណាព្យាបាល និងសហគមន៍ឱ្យចូលរួមក្នុងវិស័យអប់រំ។ ឯកឧត្តម បានផ្តាំផ្ញើ និងអំពាវនាវចំពោះមាតាបិតា ន