磅湛省青年联合会开展环保与扶贫活动 250人参与

ស**.**ស**.**យ**.**ក**. **ខេត្តកំពង់ចាម** **សូមគោរពជូនសកម្មភាពប្រចាំថ្ងៃទី៤-៥** **ខែមិថុនា ឆ្នាំ២០២៦ ដូចខាងក្រោម៖ 👉 លោក ផុន មករាឌី អនុប្រធានប្រចាំការ ស.ស.យ.ក.ខេត្ត និងសមាជិក ស.ស.យ.ក.ខេត្ត បានយកលិខិតរំលែកទុក្ខ និងចូលបុណ្យទក្ខិណានុប្បទានគម្រប់ ៧ថ្ងៃ ឪពុករបស់លោក សយ សារ៉េត សមាជិកអចិន្ត្រៃយ៍ ស.ស.យ.ក.ខេត្តកំពង់ចាម ។ 👉លោក ឈឹម ភិរម្យ ប្រធាន ស.ស.យ.ក. ស្រុកស្រីសន្ធរ បានដឹកនាំក្រុមការងារ ដើម្បីចូលរួមការប្រារព្ធទិវាបរិស្ថានជាតិ និងបរិស្ថានពិភពលោក ០៥ មិថុនា ២០២៦ ក្រោមប្រធានបទ “សំណល់សូន្យ (Zero Waste)”និង ធ្វើការផ្សព្វផ្សាយ និងសម្អាត នៅបរិវេណ សាលាស្រុក ទីប្រជុំជន ផ្លូវសាធារណៈ និងផ្សារព្រែកពោធិ៍ ដោយមានការចូលរូម ពីលោកប្រធានការិ.កសិកម្ម ធនធានធម្មជាតិ និងបរិស្ថាន  លោក លោកស្រី មេឃុំ សមាជិកក្រុមប្រឹក្សាឃុំ ស្មៀនឃុំ ជំនួយការរដ្ឋបាលឃុំ ជំនួយការហិរញ្ញវត្ថុ ប្រធានស ស យ ក ស្រុក ឃុំ និងសាលារៀន លោកគ្រូ អ្នកគ្រូ សិស្សានុសិស្ស មេភូមិ អនុភូមិ សមាជិកភូមិ សរុប ចំនួន ២៥០នាក់ ។ 👉លោក ភោគ សាវុធ អភិបាលនៃគណៈអភិបាលស្រុក បានដឹកនាំ មន្ត្រីរាជការក្រោមឱវាទ និងសមាជិកសមាជិកា ស.ស.យ.ក. ស្រុក ឃុំ ចូលរួមក្នុងពិធីដាំកូនឈើនៅវត្តដំបងដែក ភូមិគោហេ ឃុំព្រែកកុយ ស្រុកកងមាស។ 👉លោក ហេង សាន ប្រធាន ស.ស.យ.ក. ឃុំកោះសូទិន បានដឹកនាំអនុប្រធាននិង យុវជន ស.ស.យ.ក. ឃុំកោះសូទិន  ចូលរួមពិធីចែកអង្គរដល់ក្រុមការងារយុវជន ចំនួន ១៥០នាក់ ដែលបានជួយសម្របសម្រួលក្នុងពិធីកាប់គោ និងពពែ ចំនួន ២២០ ក្បាល នៅថ្ងៃបុណ្យរ៉យ៉ាហាជី្ជ ដែលជាប្រពៃណីសាសនាឥស្លាម ពិធីនេះប្រព្រឹត្តទៅក្រោមអធិបតីភាពឯកឧត្តម សា ស៊ីថា អភិបាលរង នៃគណៈអភិបាលខេត្តកំពង់ចាម តំណាងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម ។ 👉 សមាជិក ស.ស.យ.ក. ខេត្តកំពង់ចាម បានចូលរួមវេទិកាការងារ"ការផ្តល់ឱកាសការងារ និងរៀបចំហេដ្ឋារចនាសម្ព័ន្ធបង្កលក្ខណៈងាយស្រួលដល់ជនមានពិការភាពនៅកម្ពុជា" និងបានចុះទស្សនកិច្ចជាមួយរោងចក្រមេតថេក ខេមបូឌា ខប. លីមីធីត ។ 👉 កញ្ញា ហួ សោភណ្ឌ័ ជំនួយការឃុំល្វា ជាសមាជិក ស.ស.យ.ក.ឃុំបានចូលរួមចែកអង្ករ មី និងថវិកា ជូនប្រជាពលរដ្ឋក្រីក្រ និងជនមានពិការភាព ក្មេងកំព្រា ចំនួន១០គ្រួសារនៅសាលាឃុំល្វាស្រុកព្រៃឈរ។ 👉លោក ច្រិច ឆេងលាង ស.ស.យ.ក. ឃុំបុសខ្នុរ ស្រុកចំការលើ បានចូលរួមជួយសម្អាតសំរាមនៅមុខផ្សារបុសខ្នុរ ។