司法部官员主持蒙多基里省经济特许地纠纷解决声明发布会

ឯកឧត្តម ប៉ូច សោភ័ណ អនុរដ្ឋលេខាធិការក្រសួងយុត្តិធម៌ បានអញ្ជើញជាអធិបតីក្នុងពិធីប្រកាសសេចក្តីថ្លែងការណ៍រួមស្តីពីដំណោះស្រាយវិវាទដីសម្បទានសេដ្ឋកិច្ចរវាងសហគមន៍ប៊ូស្រា និងក្រុមហ៊ុនសុនហ្វីន =================== ខេត្តមណ្ឌលគីរី÷ ថ្ងៃព្រហស្បតិ៍ ៧កើត ខែពិសាខ ឆ្នាំមមី អដ្ឋស័ក ព.ស.២៥៦៩ ត្រូវនឹងថ្ងៃទី២៣ ខែមេសា ឆ្នាំ២០២៦ ដោយទទួលគោលការអនុញ្ញាតដ៏ពី ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌, ឯកឧត្តម ប៉ូច សោភ័ណ អនុរដ្ឋលេខាធិការក្រសួងយុត្តិធម៌ បានអញ្ជើញជាអធិបតីក្នុងពិធីប្រកាសសេចក្តីថ្លែងការណ៍រួមស្តីពីដំណោះស្រាយវិវាទដីសម្បទានសេដ្ឋកិច្ចរវាងសហគមន៍ប៊ូស្រា និងក្រុមហ៊ុនសុនហ្វីន ដោយមានការអញ្ជើញចូលរួមពី តំណាងក្រុមហ៊ុនសម្បទានវ៉ារ៉ាណាស៊ី, ក្រុមហ៊ុនសេដ្ឋីកូឡា, ក្រុមកូវីផាម៉ា, រដ្ឋបាលស្រុកពេជ្រាដា, អង្គការសង្គមស៊ីវិល និងតំណាងសហគមន៍ពួនង ៥ភូមិ (ពូទឺត, ពូរាំង, ពូចារ, ប៊ូស្រា និងពូលុ) សរុប ១០០ រូប។ ពិធីនេះ មានគោលបំណងផ្សព្វផ្សាយចែករំលែកជាសាធារណៈនូវរាល់ឯកសារកិច្ចព្រមព្រៀងសម្រុះសម្រួលទាក់ទងនឹងវិវាទដីសម្បទានសេដ្ឋកិច្ច រវាងក្រុមហ៊ុនឯកជន និងសហគមន៍ពូនង ៥ភូមិ (ពូទឺត, ពូរាំង, ពូចារ, ប៊ូស្រា និងពូលុ) ក្នុងស្រុកពេជ្រាដា ខេត្តមណ្ឌលគិរី។