高棉食品必须强大运动获支持 旨在提升本土餐饮竞争力

នារសៀល ថ្ងៃទី៨ ខែតុលា ឆ្នាំ២០២៦ លោកជំទាវ ដាំ ដារិនី អនុប្រធានសហភាពសហព័ន្ធយុវជនកម្ពុជា បានអញ្ជើញជួបសម្ដែងការគួរសម និងស្ដាប់នូវរបាយការណ៍សង្ខេបស្ដីពីយុទ្ធនាការ«អាហារខ្មែរត្រូវតែខ្លាំង» នៅអគារ The Kampus។ ពិធីនេះមានការអញ្ជើញចូលរួមពីសំណាក់ ឯកឧត្តម លោកជំទាវ សមាជិកគណៈកម្មាធិការកណ្ដាល ព្រមទាំងភាគីពាក់ព័ន្ធ ជាច្រើននាក់ផងដែរ។ ជាកិច្ចចាប់ផ្តើម ឯកឧត្តមបណ្ឌិត អោម សេងបូរ៉ា ប្រធានក្រុមប្រឹក្សាភិបាលវិទ្យាស្ថានស៊ីអីអូ និងប្រធានគណៈកម្មាធិការ«ខ្មែរត្រូវតែខ្លាំង» និង«អាហារខ្មែរត្រូវតែខ្លាំង» បានធ្វើការស្វាគមន៍យ៉ាងកក់ក្តៅចំពោះ លោកជំទាវ ដាំ ដារិនី អនុប្រធានសហភាពសហព័ន្ធយុវជនកម្ពុជា ព្រមទាំងបានធ្វើរបាយការណ៍សង្ខេបស្ដីពីវឌ្ឍនភាពការងារ និងសមិទ្ធផលសំខាន់ៗដែលយុទ្ធនាការ «អាហារខ្មែរត្រូវតែខ្លាំង» សម្រេចបាននាពេលកន្លងមក។ ឯកឧត្តមបានបន្ថែមទៀតថា យុទ្ធនាការ “ខ្មែរត្រូវតែខ្លាំង” ធ្វើឡើងក្នុងគោលបំណងកៀរគរ ប្រមូលផ្តុំ និងបង្រួបបង្រួមសហគ្រិនជាច្រើននៅក្នុងប្រទេស ឱ្យក្លាយជាចលនាកសាងភាពខ្លាំងក្នុង នាមជា កម្លាំងទ័ពសេដ្ឋកិច្ចរបស់ជាតិផងដែរ។ បន្ទាប់ពីបានស្តាប់របាយការណ៍សង្ខេបអំពីលទ្ធផលការងារនាពេលកន្លងមក លោកជំទាវ ដាំ ដារិនី បានកោតសរសើរ និងវាយតម្លៃខ្ពស់ចំពោះការខិតខំប្រឹងប្រែង របស់ក្រុមការងារទាំងអស់ដែលបានរួមគ្នាជំរុញយុទ្ធនាការទទួលបានជោគជ័យ និងបានសម្រេចនូវលទ្ធផលគួរអោយកត់សម្គាល់។ លើសពីនេះ លោកជំទាវបានបញ្ជាក់ថា កិច្ចសហការ និងការចូលរួមពីគ្រប់ភាគី មិនត្រឹមតែជាកម្លាំងជំរុញដល់ភាពជោគជ័យនៃយុទ្ធនាការប៉ុណ្ណោះទេ ប៉ុន្តែថែមទាំងបានបង្ហាញយ៉ាងច្បាស់ពីស្មារតីសហការ ឆន្ទៈ និងគោលដៅរួមតែមួយ គឺការលើកតម្កើង ពង្រឹង និងពង្រីកទីផ្សារកម្ពុជា ឱ្យកាន់តែមានភាពរឹងមាំ ទូលំទូលាយ និងមានសមត្ថភាពប្រកួតប្រជែងក្នុងការលើកកម្ពស់ និងជំរុញវិស័យសហគ្រិនភាពឱ្យកាន់តែរីកចម្រើន។ **👉🏽តំណភ្ជាប់ទៅកាន់បណ្តាញសង្គមរបស់ ស.ស.យ.ក.** 🌐**uyfc.org** 📱[**Facebook**](https://www.facebook.com/uyfccambodia) 📱[**YouTube**](https://www.youtube.com/@unionofyouthfederationcambodia)** ** 📱[**Telegram**](https://t.me/uyfc_news)** ** 📱** **[**TikTok**](https://www.tiktok.com/@uyfccambodia?_t=8fUJ9WcjHX8)