柬埔寨新年传统习俗：堆沙塔仪式

កម្រងរូបភាព ពិធី«វាលុកចេតិយ» ក្នុងព្រឹត្តិការណ៍នគរសង្ក្រាន្ត! វាលុកចេតិយ ជាពិធីសាសនា ដែលប្រជាពលរដ្ឋខ្មែរតែងតែប្រារព្ធឡើង នៅក្នុងអំឡុងពេលបុណ្យឆ្នាំថ្មី។ ពិធីនេះត្រូវបានរៀបចំឡើង ដើម្បីប្រាថ្នាផ្សងរំដោះគ្រោះកាច និងឧបទ្រុបចង្រៃ ក្នុងឆ្នាំចាស់ និងបួងសួងសុំសេចក្តីសុខ សួស្តី សេរីមង្គល ក្នុងឆ្នាំថ្មី។ វាលុកចេតិយ ឬហៅថា «ពូនភ្នំខ្សាច់» គឺគេយកខ្សាច់សុទ្ធ ចាក់នៅកណ្តាលទីធ្លាមួយ ដើម្បីពូនឱ្យចេញជារាងចេតិយ បែរមុខទៅទិសខាងកើត។ តាមទំនៀម ប្រជាពលរដ្ឋខ្មែរមានជំនឿថា ពិធីនេះគឺជាការឧទ្ទិសថ្វាយជាតំណាងព្រះចូឡាមណីយចេតិយ ដែលពពួកទេវតាសាងសម្រាប់បញ្ចុះព្រះកេសាធាតុ និងព្រះទាឋធាតុ (ព្រះចង្កូមកែវ) នៅឋានត្រៃត្រឹង្សសួគ៌ ហើយជឿថា នឹងមានផលានិសង្ឃយ៉ាងច្រើន ដូចមានសម្តែងនៅក្នុងរឿង «អានិសង្សវាលុកចេតិយ» មហាសំការសូត្រ នោះដែរ។ #KhmerNewYear2026 #NokorSangkranta2026 #CambodiaAlwaysForPeace #BTVNews #សួស្ដីឆ្នាំថ្មី #នគរសង្ក្រាន្ត #ចូលឆ្នាំថ្មីប្រពៃណីជាតិខ្មែរ [Website](https://www.btv.com.kh/) |[ Facebook](https://web.facebook.com/btvnewstv/) | [Telegram](https://t.me/btvnewscambodia) | [TikTok](https://www.tiktok.com/@btvcambodia)