第三届“暹粒瑰宝”活动将于6月29日至7月2日举行

កម្មវិធីរតនសម្បត្តិនៃខេត្តសៀមរាប នឹងត្រឡប់មកវិញជាថ្មី កម្មវិធី «រតនសម្បត្តិនៃខេត្តសៀមរាប» ឬជាភាសាអង់គ្លេស «The Gems of Siem Reap» នឹងរៀបចំជាលើកទី៣ ចាប់ពីថ្ងៃទី២៩ ខែមិថុនា ដល់ថ្ងៃទី២ ខែកក្កដាខាងមុខនេះ។ កិច្ចសម្ភាសជាភាសាអង់គ្លេសជាមួយអ្នកជំនាញខ្មែរ និងបរទេស នឹងនាំប្រិយមិត្តទស្សនិកជនឱ្យបានស្វែងយល់ និងស្គាល់កាន់តែខ្លាំងពីសក្ដានុពលលើទឹកដីអង្គរ។ កិច្ចសម្ភាសសម្រាប់កម្មវិធីរតនសម្បត្តិនៃខេត្តសៀមរាបលើកទី៣នេះ នឹងផ្ដោតលើប្រធានបទ៣ធំៗមាន ទេសចរណ៍រដូវកាលបៃតង (Green Season), សេដ្ឋកិច្ចវប្បធម៌ និងហេតុអ្វីជនបរទេសជ្រើសរើសសៀមរាបជាកន្លែងធ្វើការ និងរស់នៅក្រោយចូលនិវត្តន៍? អ្នកជំនាញទេសចរណ៍ វប្បធម៌ សេដ្ឋកិច្ចមានទាំងខ្មែរ និងបរទេសនឹងចូលរួមបកស្រាយលើប្រធានបទទាំងនេះ។ សូមប្រិយមិត្តទស្សនិកជនរង់ចាំតាមដានកិច្ចសម្ភាសជាភាសាអង់គ្លេស លើទំព័រហ្វេសប៊ុក Cambodianess។