司法部推进内部办公数字化 启用官方邮件系统

ឯកឧត្តមបណ្ឌិត ផេង សុខលាភ អនុរដ្ឋលេខាធិការ ក្រសួងយុត្តិធម៌ បានដឹកនាំកិច្ចប្រជុំពិភាក្សាលើការត្រៀមរៀបចំអនុវត្តផែនការផ្សព្វផ្សាយ និងបណ្ដុះបណ្ដាល ស្តីពីការប្រើប្រាស់ប្រព័ន្ធអ៊ីមែលផ្លូវការ និងថ្នាលផ្ទុកឯកសារផ្ទៃក្នុងរបស់ក្រសួងយុត្តិធម៌ =================== ទីស្តីការក្រសួងយុត្តិធម៌ | នារសៀលថ្ងៃអង្គារ ១១រោច ខែស្រាពណ៍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៨ ខែកញ្ញា ឆ្នាំ២០២៦ វេលាម៉ោង ២:០០នាទីរសៀល ឯកឧត្តមបណ្ឌិត ផេង សុខលាភ អនុរដ្ឋលេខាធិការ និងជាប្រធានក្រុមការងារបច្ចេកទេសដើម្បីអនុវត្តការងារជំរុញឌីជីថលូបនីយកម្មក្រសួងយុត្តិធម៌ បានដឹកនាំកិច្ចប្រជុំ ដើម្បីពិភាក្សា និងត្រៀមខ្លួនសម្រាប់ការអនុវត្តផែនការផ្សព្វផ្សាយ និងបណ្ដុះបណ្ដាល ស្តីពីការប្រើប្រាស់ប្រព័ន្ធអ៊ីមែលផ្លូវការ និងថ្នាលផ្ទុកឯកសារផ្ទៃក្នុងរបស់ក្រសួងយុត្តិធម៌ ដោយមានការចូលរួមពី សមាជិក សមាជិកា ក្រុមការងារបច្ចេកទេសផងដែរ។ កិច្ចប្រជុំខាងលើ មានគោលបំណង ពិនិត្យនិងពិភាក្សាលើការត្រៀមលក្ខណៈឱ្យបានគ្រប់ជ្រុងជ្រោយ សម្រាប់ការផ្សព្វផ្សាយ និងបណ្ដុះបណ្ដាលដល់ ថ្នាក់ដឹកនាំ មន្ត្រីរាជការ និងមន្ត្រីដែលពាក់ព័ន្ធ អំពីការប្រើប្រាស់ព័ន្ធអ៊ីមែលផ្លូវការ និងថ្នាលផ្ទុកឯកសារផ្ទៃក្នុងរបស់ក្រសួងយុត្តិធម៌ ឱ្យមានប្រសិទ្ធភាព និងសុវត្ថិភាពខ្ពស់។ ជាមួយគ្នានេះ សមាជិក សមាជិកានៃអង្គប្រជុំក៏បានពិនិត្យលើខ្លឹមសារ សម្ភារៈសម្រាប់ប្រើប្រាស់ក្នុងការផ្សព្វផ្សាយ និងបណ្ដុះបណ្ដាល ការបែងចែកតួនាទី និងភារកិច្ចរបស់ក្រុមការងារ រួមទាំងការរៀបចំកាលវិភាគ សម្រាប់ការរៀបចំកម្មវិធីផ្សព្វផ្សាយ និងបណ្ដុះបណ្ដាលនេះផងដែរ ដើម្បីធានាបានថាការអនុវត្តផែនការខាងលើប្រព្រឹត្តទៅដោយរលូន និងទទួលបានប្រសិទ្ធភាពខ្ពស់។