西哈努克省长芒西内慰问斯登豪县退伍军人 视察基层医疗

[来源: 柬埔寨国家电视台] [分类提示: NEWS] 标题: ឯកឧត្តម ម៉ាង សុីណេត ចុះសួរសុខទុក្ខ និងនាំយកអំណោយសប្បុរសធម៌ ជូនដល់អតីតយុទ្ធជន និងប្រជាពលរដ្ឋក្នុងស្រុកស្ទឹងហាវ ខេត្តព្រះសីហនុ៖ នៅថ្ងៃទី១៤ ខែឧសភា ឆ្នាំ២០២៦ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ បានដឹកនាំក្រុមការងារចុះជួបសំណេះសំណាល សួរសុខទុក្ខ និងនាំយកអំណោយចែកជូនដល់គ្រួសារអតីតយុទ្ធជនចំនួន ៦៥ គ្រួសារ ដែលកំពុងរស់នៅក្នុងភូមិ១ ឃុំទំនប់រលក ស្រុកស្ទឹងហាវ ខេត្តព្រះសីហនុ។ ក្នុងឱកាសនេះ ឯកឧត្តមអភិបាលខេត្ត បានពាំនាំនូវប្រសាសន៍ផ្ដាំផ្ញើសួរសុខទុក្ខដោយក្ដីនឹករលឹកបំផុតពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និង សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង លោកជំទាវបណ្ឌិត ពេជ្រ ចន្ទមុន្នី។ ថ្នាក់ដឹកនាំតែងតែយកចិត្តទុកដាក់ខ្ពស់ចំពោះសុខទុក្ខ និងជីវភាពរស់នៅរបស់បងប្អូនអតីតយុទ្ធជន ដែលជាអ្នកមានគុណបំណាច់ចំពោះជាតិមាតុភូមិ ក៏ដូចជាប្រជាពលរដ្ឋនៅតាមមូលដ្ឋានគ្រប់ពេលវេលា។ ក្រៅពីការសំណេះសំណាលរួច ឯកឧត្តម ម៉ាង ស៊ីណេត ក៏បានចុះពិនិត្យដោយផ្ទាល់ដល់ខ្នងផ្ទះរបស់បងប្អូនប្រជាពលរដ្ឋ និងអតីតយុទ្ធជន ដើម្បីស្វែងយល់ពីស្ថានភាពរស់នៅជាក់ស្តែង។ បន្ទាប់មក ឯកឧត្តមបានបន្តដំណើរទៅពិនិត្យមើលដំណើរការផ្តល់សេវាសុខាភិបាលនៅ មណ្ឌលសុខភាពអូតាសេក ។ ហើយបានសួរសុខទុក្ខ និងផ្ដល់ថវិកាឧបត្ថម្ភមួយចំនួនដល់ស្ត្រីដែលទើបសម្រាលកូនរួច ដើម្បីជួយសម្រាលបន្ទុកគ្រួសារ និងជាការលើកទឹកចិត្តដល់សុខភាពមាតានិងទារក។ ការចុះផ្ទាល់នេះ ក៏ដើម្បីស្តាប់នូវសំណូមពរ និងបញ្ហាប្រឈមផ្សេងៗរបស់ពលរដ្ឋក្នុងមូលដ្ឋាន សំដៅរៀបចំដំណោះស្រាយឱ្យបានទាន់ពេលវេលា។ សកម្មភាពនាថ្ងៃនេះ បានសបញ្ជាក់ឱ្យឃើញពីការយកចិត្តទុកដាក់មិនចេះរីងស្ងួតរបស់រដ្ឋបាលខេត្តព្រះសីហនុ ក្រោមការដឹកនាំរបស់ ឯកឧត្តម ម៉ា