柬埔寨司法部推进刑法修正案 重点优化居家监禁与假释规则

នៅទីស្ដីការក្រសួងយុត្តិធម៌៖ នារសៀលថ្ងៃសុក្រ ១៤រោច ខែពិសាខ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៥ ខែឧសភា ឆ្នាំ២០២៦, ឯកឧត្តម ផូវ សំភី សហប្រធាននៃក្រុមការងារបច្ចេកទេសទទួលបន្ទុករៀបចំធ្វើវិសោធនកម្មក្រមព្រហ្មទណ្ឌ បានអញ្ជើញដឹកនាំកិច្ចប្រជុំលើកទី៣៩ របស់ក្រុមការងារបច្ចេកទេស ដោយមានការចូលរួមពីសំណាក់ ឯកឧត្តម លោកជំទាវ លោក លោកស្រី ដែលជាអនុប្រធាន និងសមាជិក សមាជិកានៃក្រុមការងារ។ កិច្ចប្រជុំបានបន្តពិនិត្យ ពិភាក្សា និងកែសម្រួលឡើងវិញលើបទប្បញ្ញត្តិពាក់ព័ន្ធនឹងការប្រកាសទោសករណីបទល្មើសត្រួតគ្នា បែបបទ និងលក្ខខណ្ឌនៃរបបឃុំខ្លួនក្នុងលំនៅឋាន កាតព្វកិច្ច និងវិធានការក្នុងការដោះលែងមានលក្ខខណ្ឌ ព្រមទាំងកាតព្វកិច្ចតម្រូវក្នុងរយៈពេលសាកល្បង។