柬埔寨国王西哈莫尼在华接受手术治疗，各界祈愿康复

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត៖ ក្នុងវេលាដែល «ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃ​ព្រះរាជាណាចក្រ​កម្ពុជា​» ជាទីគោរពសក្ការៈដ៏ខ្ពង់ខ្ពស់​បំផុត កំពុង​គង់ប្រថាប់នៅមន្ទីរពេទ្យ​រដ្ឋធានីប៉េកាំង នៃ​សាធារណរដ្ឋប្រជាមានិត​ចិន ដើម្បី​ព្យាបាល ព្រះរោគមហារីកក្រពេញប្រូស្តាត ដោយការវះកាត់តាមវេជ្ជបញ្ជា​​ ខ្ញុំម្ចាស់​ សូមព្រះបរមរាជានុញ្ញាត​លើក​ហត្ថ​ប្រណម្យ​​បួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក ទេវតាថែរក្សា​ព្រះរាជាណា​ចក្រ​​​កម្ពុជា ទេវតាថែរក្សាព្រះមហាសេតច្ឆត្ត ព្រះបារមី​នៃ​ដួងវិញ្ញាណក្ខន្ធអតីតព្រះមហាក្សត្រខ្មែរគ្រប់ព្រះអង្គ ជាពិសេស​ដួង​វិញ្ញាណ​ក្ខន្ធ​ ព្រះ​ករុណា​ព្រះបាទ​សម្តេច​ព្រះ នរោត្តម សីហនុ "ព្រះបរមរតនកោដ្ឋ" សូមតាម​ជួយ​បីបាច់​ថែរក្សា ការពារ និងប្រោសប្រទាន​ព្រះ​រាជ​សព្ទ​សាធុការពរ បវរសួស្តី ជ័យមង្គល វិបុលសុខ​ មហាប្រសើរ​គ្រប់​ប្រការ​ថ្វាយ ព្រះករុណា​ជាអម្ចាស់​ជីវិតលើត្បូង​​ ជាទីគោរពសក្ការៈ​ដ៏ខ្ពង់​ខ្ពស់​បំផុត សូម​ព្រះអង្គ​ទទួលបានភាពជោគជ័យក្នុងការវះកាត់ ប្រកបដោយព្រះរាជសុខភាពល្អបរិបូរ ចៀសចាកឆ្ងាយពីព្រះរោគាព្យាធិ​នានា​ ​និងសូមព្រះអង្គ​ទ្រង់ប្រកប​​ដោយ​​ពុទ្ធ​ពរ​ទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ដើម្បី​បន្ត​គង់​ប្រ​ថាប់នៅ​ជា​ម្លប់​ដ៏​​ត្រ​ជាក់ត្រជុំ ចម្រុងចម្រើន ថ្កុំថ្កើង រុងរឿង ដល់​ប្រជានុរាស្ត្រ​ព្រះអង្គជានិច្ចនិរន្ត»។ **——————** Connect with AKP: 🌐[Telegram ](https://t.me/TheAKP)🌐[Facebook ](https://www.facebook.com/akp.official/)🌐[Website ](http://akp.gov.kh/)👉[X](https://twitter.com/kampucheapresse) ([Twitte](https://twitter.com/kampucheapresse)[r](https://twitter.com/kampucheapresse)) 🌐[Instagram](https://www.instagram.com/akp_news/) 🌐[TikTok](https://www.tiktok.com/@agencekampucheapresse) 🌐[YouTube](https://www.youtube.com/@agencekampucheapresse/featured) #CambodiaWantsPeace #JusticeForCambodia