柬埔寨国家企业竞争力提升项目ICONE一期正式收官

ឯកឧត្តម ឈៀង យ៉ាណារ៉ា ទេសរដ្ឋមន្ត្រីទទួលបន្ទុកបេសកកម្មពិសេស អនុប្រធានទី ២ ក្រុមប្រឹក្សាអភិវឌ្ឍន៍កម្ពុជា និងជាប្រធានគណៈកម្មាធិការដឹកនាំការងារថ្នាក់ជាតិ បានដឹកនាំកិច្ចប្រជុំលើកទី ៥ របស់គណៈកម្មាធិការដឹកនាំការងារថ្នាក់ជាតិ ស្តីពីការចែករំលែកចំណេះដឹង និងបិទបញ្ចប់ គម្រោង “ការលើកកម្ពស់ភាពប្រកួតប្រជែងរបស់សហគ្រាសនៅកម្ពុជា” (Improved Competitiveness of National Enterprises in Cambodia – ICONE) ។ គោលដៅចម្បងនៃកិច្ចប្រជុំនេះគឺ ដើម្បីបូកសរុបវឌ្ឍនភាពគន្លឹះៗដែលសម្រេចបានក្នុងការអនុវត្តគម្រោងលើកកម្ពស់ភាពប្រកួតប្រជែងរបស់សហគ្រាសនៅកម្ពុជា (ICONE) ពីឆ្នាំ២០២២-២០២៦ និងការប្រកាសបិទបញ្ចប់គម្រោង ICONE ដំណាក់កាលទី១ ។ កិច្ចប្រជុំនេះមានការចូលរួមពី ឯកឧត្តម លោកជំទាវ លោក លោកស្រី ដែលជាតំណាងក្រសួង និងស្ថាប័នពាក់ព័ន្ធចំនួន ៧ តំណាងស្ថានទូតអាល្លឺម៉ង់ប្រចាំនៅកម្ពុជា, តំណាងរដ្ឋបាលខេត្តសៀមរាប បន្ទាយមានជ័យ និងបាត់ដំបង, ទីភ្នាក់ងារអាល្លឺម៉ង់សម្រាប់កិច្ចសហប្រតិបត្តិការអន្តរជាតិ (GIZ), និងមន្ត្រីគម្រោង ICONE សរុបប្រមាណ ៣៦ រូប ។ 🌐 Follow Us 🧭  [Website (CDCB](http://cdc-crdb.gov.kh/)) | 👨‍💻 [Facebook](https://www.facebook.com/cdc.gov.kh)