柬埔寨与法国开发署深化合作 聚焦数字转型与人力资源

[来源: 柬埔寨国家电视台] [分类提示: NEWS] 标题: អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ ទទួលជួបលោកស្រី Laetitia HABCHI នាយិការថ្មីនៃទីភ្នាក់ងារបារាំងសម្រាប់អភិវឌ្ឍន៍ (AFD) ប្រចាំនៅកម្ពុជា នៅព្រឹកថ្ងៃទី ១៧ ខែ កញ្ញា ឆ្នាំ ២០២៦, នៅទីស្តីការក្រសួងសេដ្ឋកិច្ច និងហិរញ្ញវត្ថុ, ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានទទួលជួបសម្តែងការគួរសម និងពិភាក្សាការងារជាមួយលោកស្រី Laetitia HABCHI នាយិការថ្មី នៃទីភ្នាក់ងារបារាំងសម្រាប់អភិវឌ្ឍន៍ (AFD) ប្រចាំនៅកម្ពុជា ក៏ដូចជាជួបជម្រាបលាលោកស្រី Sandrine BOUCHER អតីតនាយិការ នៃ AFD ប្រចាំនៅកម្ពុជា ដែលបានបញ្ចប់អាណត្តិបេសកកម្មនៅកម្ពុជា ។ បារាំង គឺជាដៃគូអភិវឌ្ឍន៍ដ៏សំខាន់ និងមានប្រវត្តិសហប្រតិបត្តិការយូរអង្វែងជាមួយកម្ពុជា តាមរយៈការផ្តល់ហិរញ្ញប្បទានអភិវឌ្ឍន៍, ឥណទានសម្បទាន, ជំនួយឥតសំណង, ជំនួយបច្ចេកទេស, និងជំនាញការ ដើម្បីគាំទ្រដល់ការអភិវឌ្ឍសេដ្ឋកិច្ច និងសង្គមកម្ពុជា ។ ទន្ទឹមនឹងកិច្ចស្វាគមន៍យ៉ាងកក់ក្តៅចំពោះលោកស្រី Laetitia HABCHI ក្នុងឱកាសចាប់ផ្តើមបំពេញបេសកកម្មថ្មីនៅកម្ពុជា, ឯកឧត្តមអគ្គបណ្ឌិតសភាចារ្យ ឧបនាយករដ្ឋមន្ត្រី ក៏បានសម្តែងក្តីសង្ឃឹមថា ក្រោមការដឹកនាំរបស់លោកស្រី កិច្ចសហប្រតិបត្តិការអភិវឌ្ឍន៍រវាងរាជរដ្ឋាភិបាលកម្ពុជា និង បារាំង (AFD) នឹងបន្តមានភាពរឹងមាំ សកម្ម និងប្រកបដោយប្រសិទ្ធភាពកាន់តែខ្ពស់ថែមទៀត ។ កម្ពុជា កំពុងបន្តផ្តោតលើការពង្រឹងភាពធន់សេដ្ឋកិច្ច ការបង្កើនភាពប្រកួតប្រជែង ការធ្វើពិពិធកម្មសេដ្ឋកិច្ច ការអភិវឌ្ឍហេដ្ឋារចនាសម្ព័ន្ធ ការអភិវឌ្ឍធនធានមនុស្ស ការកែទម្រង់ហិរញ្ញវត្ថុសាធារណៈ និងបរិវត្តកម្មឌីជីថល ដើម្បីគាំទ្រដល់ការសម្រេចគោលដៅក្នុងការអភិវឌ្ឍប្រកបដោយចីរភាព ។ លោកស្រី Laet