洪玛尼重申国家实力是维护主权的核心基础

ឯកឧត្តម ហ៊ុន ម៉ានី៖ យើងត្រូវចងចាំមេរៀនឆ្នាំ២០២៥ បើយើងមិនរឹងមាំទេ គេនឹងមើលងាយយើង ------ យោងតាមការបង្ហោះផ្សាយនៅក្នុងបណ្តាញសង្គមរបស់សហភាពសហព័ន្ធយុវជនកម្ពុជា នៅថ្ងៃទី៣ ខែមិថុនា ឆ្នាំ២០២៦ បានឱ្យដឹងថា ឯកឧត្តមឧបនាយករដ្ឋមន្រ្តី ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានគូសបញ្ជាក់ថា ឆ្នាំ២០២៥ គឺជាឆ្នាំមួយដែលគួរឱ្យចងចាំជាមេរៀនសំខាន់សម្រាប់អនាគត។ ការរំលឹកអតីតកាលនេះ មិនមែនសម្រាប់បង្កការខឹងសម្បារ ឬការសងសឹកឡើយ ប៉ុន្តែដើម្បីឱ្យយើងយល់កាន់តែច្បាស់ថា ភាពរឹងមាំ សាមគ្គីភាពនិងសមត្ថភាពរបស់ជាតិនិងប្រជាជន គឺជាមូលដ្ឋានសំខាន់បំផុតក្នុងការការពារកិត្តិយសនិងអធិបតេយ្យភាពជាតិ។ ឯកឧត្តម ហ៊ុន ម៉ានី បានបញ្ជាក់បន្ថែមថា ក្នុងបរិបទបច្ចុប្បន្ន ការពឹងផ្អែកលើខ្លួនឯង ការពង្រឹងសមត្ថភាពនិងការអភិវឌ្ឍធនធានមនុស្ស គឺជាគន្លឹះដ៏សំខាន់សម្រាប់ការរីកចម្រើនយូរអង្វែងនិងការរក្សាកិត្តិយសជាតិឱ្យរឹងមាំ៕ សូមទស្សនាវីដេអូរបស់ឯកឧត្តមឧបនាយករដ្ឋមន្រ្តី ហ៊ុន ម៉ានី ប្រធានសហភាពសហព័ន្ធយុវជនកម្ពុជាដូចខាងក្រោម៖