柬埔寨司法部推进商事法庭筹建 旨在提升营商环境透明度

ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ អញ្ជើញដឹកនាំកិច្ចប្រជុំដើម្បីពិនិត្យលើការងារពាក់ព័ន្ធនឹងការរៀបចំដាក់ឱ្យដំណើរការតុលាការពាណិជ្ជកម្ម ===================== ទីស្តីការក្រសួងយុត្តិធម៌៖ នៅរសៀល ថ្ងៃពុធ ៣កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៧ ខែមិថុនា ឆ្នាំ២០២៦, ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានអញ្ជើញដឹកនាំកិច្ចប្រជុំដើម្បីពិនិត្យលើការងារពាក់ព័ន្ធនឹងការរៀបចំដាក់ឱ្យដំណើរការតុលាការពាណិជ្ជកម្ម។ កិច្ចប្រជុំនេះក៏មានការអញ្ជើញចូលរួមពីសំណាក់ ឯកឧត្តម លោកជំទាវ លោក លោកស្រី ដែលជាថ្នាក់ដឹកនាំនិងមន្ត្រីជំនាញនៃក្រសួងយុត្តិធម៌ និងសមាសភាពនៃគណៈកម្មការរៀបចំដំណើរការតុលាការពាណិជ្ជកម្មផងដែរ។ នៅក្នុងកិច្ចប្រជុំនេះ, អង្គប្រជុំបានពិនិត្យមើលនូវវឌ្ឍនភាពពាក់ព័ន្ធនឹងការរៀបចំសេចក្តីព្រាងច្បាប់ ក្នុងការដាក់ឱ្យដំណើរការតុលាការពាណិជ្ជកម្មនៅកម្ពុជា និងបានដាក់ចេញនូវទិសដៅការងារបន្តមួយចំនួនដល់គណៈកម្មការរៀបចំដំណើរការតុលាការពាណិជ្ជកម្ម ដើម្បីធានាឱ្យតុលាការនេះអាចដំណើរការ និងប្រព្រឹត្តទៅប្រកបដោយតម្លាភាព ភាពត្រឹមត្រូវ និងយុត្តិធម៌ ព្រមទាំងគ្មានអំពើពុករលួយ សំដៅលើកកម្ពស់ជំនឿទុកចិត្តពីសាធារណជន ពិសេសអ្នកវិនិយោគ។