卫生部部长秦拉视察磅清扬省基层卫生中心 强调提升医疗服务质量

សាររបស់រដ្ឋមន្រ្តីសុខាភិបាល៖ «ទំនុកចិត្តយូរអង្វែងទទួលបានពីការបម្រើសេវាជូនប្រជាពលរដ្ឋ បានមកពីការប្រឹងប្រែងយកចិត្តទុកដាក់បំពេញការងារ ឈរលើសមត្ថភាពពិតប្រាកដ និងអកប្បកិរិយាល្អ ។ ទំនុកចិត្តនេះ ត្រូវសន្សំជារៀងរាល់ថ្ងៃ និងជារៀងរហូតទៅមុខ។»__ __ __ ខេត្តកំពង់ឆ្នាំង៖ នារសៀលថ្ងៃពុធ ទី១០ ខែមិថុនា ឆ្នាំ២០២៦ ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល និងថ្នាក់ដឹកនាំក្រសួងសុខាភិបាល ដោយមានការចូលរួមពី លោកជំទាវអភិបាលរងនៃគណៈអភិបាលខេត្តកំពង់ឆ្នាំង បានអញ្ជើញការបម្រើសេវាសុខភាពនៅ មណ្ឌលសុខភាពពេជចង្វារ ខេត្តកំពង់ឆ្នាំង។ ក្នុងឱកាសចុះទស្សនកិច្ច និងសួរសុខទុក្ខនេះ ឯកឧត្តមសាស្រ្តាចារ្យរដ្ឋមន្រ្តី បានកោតសរសើរការប្តេជ្ញាចិត្ត និងការស្មោះស្ម័គ្រខិតខំប្រឹងប្រែងរបស់មន្ត្រីមណ្ឌល ក្នុងការបំពេញការងារ។ ការរីកចម្រើនរបស់មណ្ឌលសុខភាព បានឆ្លុះបញ្ចាំងពីសារ:សំខាន់នៃភាពជាអ្នកដឹកនាំ ដែលបាននាំមកនូវគុណភាព សុវត្ថិភាព ប្រសិទ្ធភាព និងស័ក្តិសិទ្ធិភាព ក្នុងការបម្រើសេវាសុខភាពជូនប្រជាជន។ ឯកឧត្តមសាស្រ្តាចារ្យ បានលើកឡើងថានេះជាមោទនភាព ចំពោះភាពរីកចម្រើន និងការវិវត្តន៍ដ៏វិជ្ជមានរបស់មណ្ឌលសុខភាព ដែលជាមូលដ្ឋានខ្សែបណ្តាយចុងក្រោយនៃប្រព័ន្ធសុខាភិបាល។ ឆ្លៀតក្នុងឱកាសនោះដែរ ដោយទឹកចិត្តរំភើបរីករាយ និងឆ្លើយតបទៅភាពរីកចម្រើនជាលំដាប់ មន្រ្តីនៃមណ្ឌលសុខភាព បានគោរពថ្លែងអរគុណយ៉ាងជ្រាលជ្រៅ ជូនចំពោះឯកឧត្តមសាស្រ្តាចារ្យរដ្ឋមន្រ្តី និងថ្នាក់ដឹកនាំសុខាភិបាល ដែលជារៀងរាល់រសៀល ថ្ងៃអង្គារ ឯកឧត្តមរដ្ឋមន្ត្រី យកពេលវេលាដឹកនាំវគ្គបណ្តុះបណ្តាលភាពជាអ្នកដឹកនាំ និងនវានុវត្តន៍រហូតមកដល់ពេលនេះ។ **🌐** [Website](https://moh.gov.kh/kh/home) 📱 [Facebook](https://www.facebook.com/MinistryofHealthofCambodia?mibextid=ZbWKwL) 📱 [Telegram](https://t.me/MOHCambodia) 📱 [X (twitter)](https://x.com/MohCambodia) 📱 [Tiktok](https://www.tiktok.com/@mohcambodia) 📱 [YouTube](https://www.youtube.com/@MOHCambodia)