柬埔寨参议院研讨2050经济愿景 预计2027年增长达4.9

ព្រឹទ្ធសភាបានរៀបចំសិក្ខាសាលាជាន់ខ្ពស់ស្តីពី «ស្ថានភាពសេដ្ឋកិច្ចកម្ពុជា និងមាគ៌ាឆ្ពោះទៅកាន់ឆ្នាំ២០៥០» នាថ្ងៃទី៣ សីហា ដើម្បីប្រមូលធាតុចូលពីស្ថាប័នរដ្ឋ អង្គទូត សាកលវិទ្យាល័យ និងវិស័យឯកជន សម្រាប់គាំទ្រចក្ខុវិស័យប្រែក្លាយកម្ពុជាទៅជាប្រទេសចំណូលមធ្យមកម្រិតខ្ពស់នៅឆ្នាំ២០៣០ និងប្រទេសចំណូលខ្ពស់នៅឆ្នាំ២០៥០។ តំណាងធនាគារពិភពលោក បានវាយតម្លៃវិជ្ជមានចំពោះការកាត់បន្ថយភាពក្រីក្រ និងភាពធន់នៃសេដ្ឋកិច្ចកម្ពុជា ដោយបញ្ជាក់ថា កម្ពុជាបានទាក់ទាញទុនវិនិយោគផ្ទាល់ពីបរទេស (FDI) ប្រមាណ ៥,១ពាន់លានដុល្លារ ក្នុងឆ្នាំ២០២៥ និងបង្កើតការងារប្រមាណ ៤០ម៉ឺនកន្លែង។ សេដ្ឋកិច្ចកម្ពុជាត្រូវបានព្យាករថានឹងកើន ៣,៩% នៅឆ្នាំ២០២៦ និង ៤,៩% នៅឆ្នាំ២០២៧។ ធនាគារពិភពលោក បានផ្តល់អនុសាសន៍ឱ្យកម្ពុជាបន្តពិពិធកម្មការនាំចេញ កាត់បន្ថយថ្លៃដើមផលិតកម្មកសិកម្ម និងវិនិយោគលើមូលធនមនុស្ស ខណៈបន្តគាំទ្រគម្រោងអភិវឌ្ឍន៍ចំនួន ២៣ ដែលមានទំហំប្រមាណ ២ពាន់លានដុល្លារ លើវិស័យអប់រំ STEM ការតភ្ជាប់សេដ្ឋកិច្ច និងភាពធន់កសិកម្ម។ ជាមួយគ្នានេះ រាជរដ្ឋាភិបាលបានបញ្ជាក់ពីការបន្តពង្រឹងគោលនយោបាយគាំពារសង្គម ក្រោមគោលការណ៍ «មិនបោះបង់ពលរដ្ឋណាម្នាក់» ដោយពង្រីកការគ្របដណ្តប់ជំនួយសង្គម និងសន្តិសុខសង្គម ព្រមទាំងជំរុញការបណ្តុះបណ្តាលជំនាញ TVET ដើម្បីអភិវឌ្ឍកម្លាំងពលកម្មជំនាញ។ ជាកិច្ចបូកសរុប ឯកឧត្តម បណ្ឌិត ធន់ វឌ្ឍនា អនុប្រធានទី២ នៃព្រឹទ្ធសភា បានដាក់ចេញអនុសាសន៍អាទិភាព ៥ចំណុច ដើម្បីតម្រង់ទិសសេដ្ឋកិច្ចកម្ពុជាឆ្ពោះទៅឆ្នាំ២០៥០ រួមមាន៖ - ការកែលម្អប្រព័ន្ធពន្ធ - ការវិនិយោគលើធនធានមនុស្ស និង STEM - ការលើកកម្ពស់សុខភាពសាធារណៈ - ការគាំទ្រ SMEs តាមរយៈការកាត់បន្ថយចំណាយ និង - ការអភិវឌ្ឍកសិកម្មមានតម្លៃបន្ថែម។ [**Join AMS One-minute**](https://t.me/ams1minute)