柬埔寨与越南西宁省磋商木薯贸易 淀粉协会率团来访

ឯកឧត្តម វ៉ា រុតសាន រដ្ឋលេខាធិការក្រសួងពាណិជ្ជកម្ម អញ្ជើញដឹកនាំកិច្ចជំនួបពិភាក្សាជាមួយគណៈប្រតិភូសមាគមផលិតម្សៅមីខេត្តតៃនិញ ប្រទេសវៀតណាម ស្តីពី «ការធ្វើពាណិជ្ជកម្មដំឡូងមីរវាងកម្ពុជា និងវៀតណាម» ... (ភ្នំពេញ)៖ នាព្រឹកថ្ងៃសុក្រ ទី១៣ ខែវិច្ឆិកា ឆ្នាំ២០២៦ នៅទីស្តីការក្រសួងពាណិជ្ជកម្ម ឯកឧត្តម វ៉ា រុតសាន រដ្ឋលេខាធិការក្រសួងពាណិជ្ជកម្ម បានអញ្ជើញដឹកនាំកិច្ចជំនួបពិភាក្សាជាមួយគណៈប្រតិភូសមាគមផលិតម្សៅមីខេត្តតៃនិញ ប្រទេសវៀតណាម ស្តីពី «ការធ្វើពាណិជ្ជកម្មដំឡូងមីរវាងកម្ពុជា និងវៀតណាម» ដោយមានការអញ្ជើញចូលរួមពីតំណាងក្រសួងកសិកម្ម រុក្ខាប្រមាញ់ និងនេសាទ ឯកឧត្តមអនុរដ្ឋលេខាធិការ ថ្នាក់ដឹកនាំអគ្គនាយកដ្ឋាន និងនាយកដ្ឋានជំនាញនៃក្រសួងពាណិជ្ជកម្ម សហព័ន្ធដំឡូងមីកម្ពុជា ធនាគារ អឹមប៊ី (ខេមបូឌា) ម.ក ព្រមទាំងគណៈប្រតិភូខេត្តតៃនិញ ប្រទេសវៀតណាម ជាច្រើនរូប។ កិច្ចប្រជុំពិភាក្សានេះ ត្រូវបានរៀបចំឡើងក្នុងគោលបំណងពង្រឹង និងពង្រីកកិច្ចសហប្រតិបត្តិការពាណិជ្ជកម្មទ្វេភាគីរវាងប្រទេសទាំងពីរ លើការនាំចេញដំឡូងមីកម្ពុជាទៅកាន់ប្រទេសវៀតណាម តាមរយៈការកំណត់យថាប្រភេទដំឡូងមីឱ្យបានច្បាស់លាស់ និងការរៀបចំទីកន្លែងប្រគល់-ទទួលកសិផលនៅតាមច្រកព្រំដែន ជាពិសេសផ្តល់ទំនុកចិត្តដល់កសិករកម្ពុជា និងរោងចក្រកែច្នៃម្សៅមីវៀតណាម អំពីគុណភាព និងស្ថិរភាពនៃការផ្គត់ផ្គង់ដំឡូងមី ដើម្បីធានាបាននូវតម្លាភាព ភាពយុត្តិធម៌ និងស្ថិរភាពទីផ្សារសម្រាប់ភាគីទាំងសងខាង៕ … ភ្ជាប់មកកាន់ក្រសួងពាណិជ្ជកម្ម តាមតំណភ្ជាប់ខាងក្រោម៖ Connect with Ministry of Commerce: 🌐 [Facebook ](https://web.facebook.com/moc.gov.kh) 🌐 [Telegram](https://t.me/mocnewsfeed) 🌐 [Website](https://www.moc.gov.kh/) 🌐 [YouTube](https://www.youtube.com/@mocgovkhcambodia) 🌐 [X (Twitter](https://twitter.com/MoCCambodia))