卜迭棉芷省招聘会6月17日开幕 提供6334个就业岗位

📣 ឱកាសការងារជាង ៦ ០០០ កន្លែង ក្នុងវេទិកាការងារ និងឱកាសកម្មសិក្សាការងាររបស់ទីភ្នាក់ងារជាតិមុខរបរ និងការងារនៅទឹកដីស្រុកព្រះនេត្រព្រះ នៃខេត្តបន្ទាយមានជ័យ។ 👉 នៅថ្ងៃពុធ ទី១៧ ខែមិថុនា ខាងមុខនេះទីភ្នាក់ងារជាតិមុខរបរ និងការងារនៃក្រសួងការងារនិងបណ្តុះបណ្តាលវិជ្ជាជីវៈ សហការជាមួយរដ្ឋបាលស្រុកព្រះនេត្រព្រះ និង ស.ស.យ.ក វិស័យការងារសន្តិសុខសង្គម និងវិជ្ជាជីវៈ គាំទ្រដោយអង្គការអន្តរជាតិខាងការងារ នឹងរៀបចំវេទិកាការងារ និងឱកាសកម្មសិក្សាការងារ ដោយនាំយកការងារចំនួន ៦ ៣៣៤ កន្លែង សម្រាប់អ្នកកំពង់ស្វែងរកការងារ និងកម្មសិក្សាការងារអាចដាក់ពាក្យ និងសម្ភាសន៍ភ្លាមៗជាមួយក្រុមហ៊ុនធំៗជាច្រើនដែលចូលរួមតាំងបង្ហាញដោយផ្ទាល់។ វេទិកាការងារនេះនឹងប្រព្រឹត្តនៅក្នុងបរិវេណ សាលាឃុំឈ្នួរមានជ័យ ស្រុកព្រះនេត្រព្រះ ខេត្តបន្ទាយមានជ័យ ចាប់ពីម៉ោង ៨:០០ព្រឹក រហូតដល់ម៉ោង ៤:០០ ល្ងាច។    👉យុវជន និងអ្នកកំពុងស្វែងរកការងារ ដែលចាប់អារម្មណ៍ចង់ដាក់ពាក្យស្នើសុំការងារជាមួយក្រុមហ៊ុននានា សូមទាក់ទងមក NEA តាមរយៈលេខ ០៩៣ ៧៧៧ ៨២០ / ០៥៤ ២១០ ២៧៧ / ០១៦ ៣២៦ ៦៥៥ ឬ គេហទំព័រ www.nea.gov.kh និងទំព័រ Facebook (neakhmer)៕