基纳尔基金会颁发科研奖项 鼓励青年农业创新

មូលនិធិគីណាល់ ប្រកាសជ័យលាភីពានរង្វាន់ «ត្នោតមាស» និង «ពានរង្វាន់គីណាល់» ដើម្បីជំរុញការស្រាវជ្រាវ និងច្នៃប្រឌិតរបស់យុវជនកម្ពុជា មូលនិធិគីណាល់ បានរៀបចំពិធីប្រកាស និងប្រគល់ពានរង្វាន់ស្រាវជ្រាវ និងច្នៃប្រឌិត «ត្នោតមាស» និង «ពានរង្វាន់គីណាល់» ដើម្បីលើកទឹកចិត្ត និងផ្តល់កិត្តិយសដល់អ្នកស្រាវជ្រាវវ័យក្មេងកម្ពុជា ដែលបានខិតខំបញ្ចេញស្នាដៃច្នៃប្រឌិតរបស់ខ្លួន។ កម្មវិធីនេះ ត្រូវបានបង្កើតឡើងតាំងពី ឆ្នាំ២០១៣ មកម៉្លេះ ក្នុងគោលបំណងដាស់ស្មារតី និងជំរុញគំនិតច្នៃប្រឌិតរបស់យុវជនជំនាន់ក្រោយ ឲ្យហ៊ានធ្វើការស្រាវជ្រាវ និងបង្កើតស្នាដៃថ្មីៗ។ សម្រាប់ឆ្នាំនេះ មានកម្មវិធីប្រកួតប្រជែងស្នាដៃអត្ថបទសា្រវជ្រាវបែបវិទ្យាសាស្ត្រសំខាន់ចំនួនពីរ គឺៈ កម្មវិធី «ពានរង្វាន់គីណាល់» ដែលផ្តល់រង្វាន់ដល់ស្នាដៃការស្រាវជ្រាវដល់និស្សិតឱសថសាស្ត្រ និងវិទ្យាសាស្ត្រសុខាភិបាល និង «ពានរង្វាន់ត្នោតមាស» ដែលលើកកម្ពស់ភាពច្នៃប្រឌិតលើវិស័យកសិកម្ម និងឧស្សាហកម្មចំណីអាហារដល់និស្សិតផ្នែកកសិកម្ម និងកែច្នៃចំណីអាហារ ដោយប្រធានបទសម្រាប់ក្រុមទាំងពីរផ្តោតសំខាន់ក្នុងការភ្ជាប់ចំណីអាហារដែលផ្តល់ប្រយោជន៍ដល់សុខភាព។