媒体被传唤引发公众对新闻自由讨论

ចម្ងល់មហាជន៖ ហេតុអ្វីអ្នកសារព័ត៌មានត្រូវបានកោះហៅមកបំភ្លឺ? ករណីនេះបានធ្វើឱ្យមហាជនមួយចំនួនមានចម្ងល់ថា នៅពេលមានការលើកឡើងអំពីសកម្មភាពដែលអាចពាក់ព័ន្ធនឹងការប្រព្រឹត្តខុសច្បាប់ តើការស៊ើបអង្កេត និងការអនុវត្តច្បាប់គួរតែផ្តោតលើការស្វែងរកការពិតពីគ្រប់ភាគីយ៉ាងដូចម្តេច? ជាការពិត ការកោះហៅអ្នកសារព័ត៌មានមកបំភ្លឺ មិនមានន័យថា អ្នកសារព័ត៌មានត្រូវបានចាត់ទុកថាជាអ្នកខុសនោះទេ ការសាកសួរ ឬស្នើសុំការបំភ្លឺ អាចជាផ្នែកមួយនៃដំណើរការស្វែងរកព័ត៌មាន និងផ្ទៀងផ្ទាត់ការពិត ប្រសិនបើធ្វើឡើងតាមនីតិវិធី និងគោរពសិទ្ធិរបស់អ្នកពាក់ព័ន្ធ។ ទន្ទឹមនឹងនេះ មហាជនក៏មានសិទ្ធិសួរថា ប្រសិនបើមានការលើកឡើងអំពីអាជីវកម្ម ឬសកម្មភាពដែលសង្ស័យថាខុសច្បាប់ តើសមត្ថកិច្ចជំនាញបានធ្វើការផ្ទៀងផ្ទាត់ព័ត៌មាន និងស៊ើបអង្កេតទៅលើចំណុចទាំងនោះយ៉ាងដូចម្តេច? អ្វីដែលសំខាន់ គឺមិនគួរជឿលើសម្ដីរបស់ភាគីណាមួយតែមួយជាមូលដ្ឋានសម្រាប់សន្និដ្ឋាននោះទេ គ្រប់ភាគីគួរតែមានឱកាសបកស្រាយ ហើយព័ត៌មានគួរតែត្រូវបានផ្ទៀងផ្ទាត់តាមភស្តុតាង និងនីតិវិធីច្បាប់។ អ្នកសារព័ត៌មានមានតួនាទីក្នុងការផ្សព្វផ្សាយព័ត៌មាន ខណៈសមត្ថកិច្ចមានតួនាទីក្នុងការស៊ើបអង្កេត និងអនុវត្តច្បាប់។ ភារកិច្ចរបស់ភាគីទាំងពីរគួរតែដំណើរការដោយភាពត្រឹមត្រូវ តម្លាភាព និងគោរពសិទ្ធិគ្នាទៅវិញទៅមក។ ដូច្នេះ ចំណុចដែលមហាជនចង់ឃើញបំផុត គឺ ការស្វែងរកការពិតដោយមិនលំអៀង និងការអនុវត្តច្បាប់ដោយស្មើភាពចំពោះគ្រប់ភាគី៕ (ពីខ្ញុំប៊ុនធឿនហៅខ្លាពីរ)