菲律宾校园枪击案致2死 2个月内发生2起

**សិស្ស ២នាក់ បានស្លាប់នៅក្នុងហេតុការណ៍បាញ់ប្រហារមួយ នៅឯវិទ្យាល័យមួយកន្លែង ស្ថិតនៅតំបន់ភាគខាងត្បូងប្រទេសហ្វីលីពីន នាព្រឹកថ្ងៃអង្គារនេះ។ អាជ្ញាធរហ្វីលីពីន បញ្ជាក់ថា ស្ថានការណ៍នេះត្រូវបានគ្រប់គ្រងបានទាំងស្រុង ខណៈនេះជាករណីបាញ់ប្រហារក្នុងសាលារៀនលើកទី២ ក្នុងប្រទេសហ្វីលីពីន ក្នុងរយៈពេលជិត ២ខែចុងក្រោយ។** ** ** អភិបាលក្រុង Zamboanga លោក Khymer Adan Olaso បានប្រាប់វិទ្យុ DZMM របស់ហ្វីលីពីនថា ជនរងគ្រោះដែលស្លាប់បាត់បង់ជីវិតទាំង ២នាក់ គឺជាសិស្សសាលា ដោយម្នាក់ក្នុងចំណោមនោះ គឺជាខ្មាំងកាំភ្លើងដែលបានប្រើប្រាស់ «អាវុធធុនធ្ងន់» នៅក្នុងការវាយប្រហារ។   ប្រធានសាកលវិទ្យាល័យ លោក Ernald Andal បានបញ្ជាក់ថា មិនមានការបាញ់ប្រហារបន្តទៀតនោះទេ ហើយក៏គ្មានសិស្សរងរបួស ឬស្លាប់បន្ថែមដែរ។ លោកបន្ថែមថា សាលាកំពុងសហការយ៉ាងជិតស្និទ្ធជាមួយអាជ្ញាធរ និងផ្តល់អាទិភាពចម្បងលើសុវត្ថិភាពរបស់សិស្សានុសិស្សទាំងអស់។   គួរបញ្ជាក់ថា ការបាញ់ប្រហារនេះ បានកើតឡើងបន្ទាប់ពីករណីហិង្សានៅវិទ្យាល័យរដ្ឋមួយក្នុងក្រុង Tacloban កាលពីខែមិថុនា កន្លងទៅ ដែលបានបណ្តាលឱ្យសិស្ស ៣នាក់ស្លាប់ និងប្រមាណ ២០នាក់ទៀតរងរបួស ដោយសារសិស្សសាលា ២នាក់បានបើកការបាញ់ប្រហារនៅលើទឹកដីសាលា៕