柬埔寨卫生部部长在视察医院时强调，通过数据分析和研究发现不足

**រដ្ឋមន្ត្រីក្រសួងសុខាភិបាល៖ «ការស្រាវជ្រាវ និងការវិភាគទិន្នន័យ គឺជាគន្លឹះជួយឱ្យមន្ទីរពេទ្យកាន់តែរីកចម្រើន និងអភិវឌ្ឍប្រកបដោយប្រសិទ្ធភាព»**។ ដោយមិនជូនដំណឹងជាមុន ក្នុងឱកាសចុះពិនិត្យការបម្រើសេវាសុខាភិបាលនៅមន្ទីរពេទ្យព្រះអង្គឌួង ឯកឧត្តមសាស្ត្រាចារ្យរដ្ឋមន្ត្រី បានសង្កេតមើលដោយផ្ទាល់ពីដំណើរការប្រចាំថ្ងៃ គុណភាពនៃការផ្តល់សេវា ការថែទាំអ្នកជំងឺ និងបានស្តាប់ពីស្ថានភាពជាក់ស្តែងរបស់បុគ្គលិកសុខាភិបាល និងអ្នកជំងឺ។ ឯកឧត្តមសាស្ត្រាចារ្យក៏បានចូលរួមយោបល់ក្នុងវគ្គបណ្តុះបណ្តាល និងគូសបញ្ជាក់ពីសារៈសំខាន់នៃការសិក្សាអំពីវិធីសាស្ត្រស្រាវជ្រាវ និងការវិភាគទិន្នន័យ ដែលនឹងជួយឱ្យមន្ទីរពេទ្យស្វែងរកចំណុចខ្វះខាត កែលម្អគុណភាពព្យាបាល ធ្វើការសម្រេចចិត្តផ្អែកលើភស្តុតាង និងកំណត់ទិសដៅអភិវឌ្ឍន៍ឱ្យកាន់តែច្បាស់លាស់។ ក្នុងឱកាសនោះដែរ ឯកឧត្តមសាស្ត្រាចារ្យបានកោតសរសើរដល់ថ្នាក់ដឹកនាំ និងបុគ្គលិកមន្ទីរពេទ្យ ដែលទោះបីមានអ្នកជំងឺមកទទួលសេវាច្រើន ក៏នៅតែខិតខំរៀបចំការផ្តល់សេវាប្រកបដោយភាពសមរម្យ កាត់បន្ថយពេលវេលារង់ចាំ និងបង្ហាញពីស្មារតីទទួលខុសត្រូវ និងឆន្ទៈក្នុងការបន្តអភិវឌ្ឍ។ **រាជធានីភ្នំពេញ៖ នាព្រឹកថ្ងៃពុធ ទី២ ខែកញ្ញា ឆ្នាំ២០២៦** **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter](https://x.com/MohCambodia)) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)