警方逮捕一名在社交媒体侮辱军人女子

នាយកដ្ឋានប្រឆាំងបទល្មើសបច្ចេកវិទ្យាបង្រ្កាបករណីប្រមាថចំពោះអ្នករាជការសាធារណៈ និងធ្វើឱ្យខូចទឹកចិត្តកងទ័ពតាមបណ្តាញសង្គមហ្វេសប៊ុក។ យោងតាមបញ្ជាដឹកនាំរបស់ ឯកឧត្ដម នាយឧត្ដមសេនីយ៍ ស ថេត អគ្គស្នងការនគរបាលជាតិ និងតាមការចង្អុលណែនាំពី ឯកឧត្ដម ឧត្ដមសេនីយ៍ឯក អគ្គស្នងការរងនគរបាលជាតិ និងដោយមានការសម្របសម្រួលពីអយ្យការអមសាលាដំបូងរាជធានីភ្នំពេញ និងអយ្យការអមសាលាដំបូងខេត្តព្រះសីហនុ កាលពីថ្ងៃទី២២ ខែសីហា ឆ្នាំ២០២៦ នាយកដ្ឋានប្រឆាំងបទល្មើសបច្ចេកវិទ្យាបានឃាត់ខ្លួនជនសង្ស័យចំនួន០១នាក់ ឈ្មោះ ឡ.ស.ម ភេទស្រី អាយុ ២៥ឆ្នាំ ជនជាតិខ្មែរ។ ជនសង្ស័យរូបនេះបានឆាតជាសម្លេងតាមរយៈបណ្តាញសង្គមហ្វេសប៊ុកក្នុងន័យជេរប្រមាថដល់កងទ័ពដែលធ្វើឱ្យប៉ះពាល់ដល់ទឹកចិត្តកងទ័ពយ៉ាងធ្ងន់ធ្ងរ។ នៅថ្ងៃទី២៤ ខែសីហា ឆ្នាំ២០២៦ នាយកដ្ខានបានបញ្ជូនជនសង្ស័យឈ្មោះ ឡ.ស.ម ភេទស្រី អាយុ ២៥ឆ្នាំ ជនជាតិខ្មែរ ទៅកាន់សាលាដំបូងខេត្តព្រះសីហនុដើម្បីចាត់ការតាមនីតិវិធី៕ «យើងរួមគ្នា ប្រឆាំង ទប់ស្កាត់ និងលុបបំបាត់បទល្មើសតាមប្រព័ន្ធបច្ចេកវិទ្យា» ព័ត៌មានរហ័សថ្មីៗ HOTNEWS ទទួលព័ត៌មានពីប្រជាពលរដ្ឋគ្រប់មជ្ឈដ្ឋាន https://t.me/cambodianews12 https://t.me/Cambodainew123 https://www.facebook.com/share/19G4XsyY5o/ ទំនាក់ទំនងផ្សព្វផ្សាយពានិជ្ជកម្មផ្សេងៗ 0717095001 @NGINSOKHUN