柬埔寨卫生部与全球基金代表会晤，重点讨论第八轮防治艾滋病与结

កិច្ចប្រជុំពិនិត្យលម្អិតលើវឌ្ឍនភាព និងបញ្ហាប្រឈម លើការរៀបចំគម្រោងសំណើមូលនិធិសកលជុំទី៨ លើកម្មវិធីប្រយុទ្ធនឹងជំងឺអេដស៍ និងរបេង។ — រាជធានីភ្នំពេញ៖ នៅរសៀលថ្ងៃទី១៦ ខែកញ្ញា ឆ្នាំ២០២៦ លោកជំទាវវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាល និងជានាយកគម្រោងមូលនិធិសកល បានអញ្ជើញទទួលជួបជាមួយលោកស្រី Sylwia Murray, Fund Portfolio Manager នៃមូលនិធិសកល ដើម្បីពិភាក្សាអំពីវឌ្ឍនភាព បញ្ហាប្រឈម និងអាទិភាពសំខាន់ៗពាក់ព័ន្ធនឹងការអនុវត្តជំនួយរបស់មូលនិធិសកលនៅកម្ពុជា។ ក្នុងកិច្ចប្រជុំនេះ បានពិភាក្សា និងផ្លាស់ប្តូរយោបល់លើចំណុចសំខាន់ៗ រួមមាន៖ ១) សំណើអាទិភាពលើសពីទឹកប្រាក់បែងចែក (PAAR) ២) ផែនការនិរន្តរភាព និងផែនការអន្តរកាល (Sustainable and Transition Plan) ៣) ការវិនិយោគឡើងវិញនូវថវិកាសន្សំ (Re-investment) ក្នុងជំនួបនេះ ក៏បានបង្ហាញពីការបន្តកិច្ចសហប្រតិបត្តិការ និងការសម្របសម្រួលយ៉ាងជិតស្និទ្ធ ដើម្បីធានាឱ្យការអនុវត្តកម្មវិធីដែលគាំទ្រដោយមូលនិធិសកលប្រព្រឹត្តទៅដោយមានប្រសិទ្ធភាព និងរួមចំណែកដល់ការពង្រឹងនិរន្តរភាពនៃការឆ្លើយតបរបស់កម្ពុជា ចំពោះជំងឺអេដស៍ និងរបេង ព្រមទាំងការពង្រឹងប្រព័ន្ធសុខាភិបាលជារួម។ កិច្ចប្រជុំនេះមានការចូលរួមពី លោក លោកស្រី តំណាង MOH-LIT នៃក្រសួងសុខាភិបាល មជ្ឈមណ្ឌលជាតិប្រយុទ្ធនឹងជំងឺអេដស៍ សើស្បែក និងកាមរោគ មជ្ឈមណ្ឌលជាតិកំចាត់រោគរបេង និងហង់សិន មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ និងមជ្ឈមណ្ឌលជាតិលើកកំពស់សុខភាព។ **🌐**[Website](https://moh.gov.kh/kh/home) 📱[Facebook](https://www.facebook.com/MinistryofHealthofCambodia?mibextid=ZbWKwL) 📱[Telegram](https://t.me/MOHCambodia) 📱[X (twitter)](https://x.com/MohCambodia) 📱[Tiktok](https://www.tiktok.com/@mohcambodia) 📱[YouTube](https://www.youtube.com/@MOHCambodia)