贡布省佳沙伦地产烂尾项目获政府介入 400名受害者将获赔

[来源: 柬埔寨国家电视台] [分类提示: NEWS] 标题: ពលរដ្ឋជិត ៤០០នាក់ដែលទិញតូបផ្សារបឹងនិមលពីក្រុមហ៊ុន ជា សារ៉ន និងទទួលបានតូបជាកម្មសិទ្ធិខណៈអាជ្ញាធរខេត្តនឹងបើកដំណើរការផ្សារក្នុងពេលឆាប់ៗនេះ ថ្លែងក្នុងពិធីជួបសំណេះសំណាលជាមួយពលរដ្ឋដែលដែលបានទិញតូបផ្សារបឹងនិមល របស់ក្រុមហ៊ុន ជា សារ៉ន រៀលធី ឯ.ក ដែលមានទីតាំងស្ថិតក្នុងឃុំបឹងនិមល ស្រុកឈូក នៅព្រឹកថ្ងៃទី៧ ខែកក្កដា ឆ្នាំ២០២៦ នៅក្នុងបរិវេណផ្សារបឹងនិមល ឯកឧត្តម ម៉ៅ ធនិន អភិបាលខេត្តកំពត បានលើកឡើងថា ក្រោយពេលលេចធ្លាយរឿងពលរដ្ឋ ទិញដី ទិញផ្ទះ ទិញតូបផ្សារ រួមជាមួយនឹងការវិនិយោគសាច់ប្រាក់ជាមួយក្រុមហ៊ុន ជា សារ៉ន ហើយមិនបាន ដី ផ្ទះ តូប និងសាច់ប្រាក់វិនិយោគមកវិញ ប្រមុខរាជរដ្ឋាភិបាល គឺសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានដាក់ចេញនូវយន្តការជាបន្តបន្ទាប់ រួមនឹងកិច្ចចង្អុលការផ្ទាល់ទៅកាន់ ឯកឧត្តម កើត រិទ្ធ ឧបនាយករដ្ឋមន្ត្រី និងជារដ្ឋមន្ត្រីក្រសួងយុត្តិធម៌ ឱ្យរៀបចំនីតិវិធីផ្លូវច្បាប់សម្រាប់ជួយដល់ពលរដ្ឋដែលរងគ្រោះទាំងអស់។ ក្រោយទទួលបានកិច្ចចង្អុលការពីសំណាក់សម្តេចធិបតីនាយករដ្ឋមន្ត្រី និងឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ អាជ្ញាធរខេត្ត សាលាដំបូងខេត្ត និងមន្ទីររៀបចំដែនដីនគររូបនីយកម្ម សំណង់ និងសុរិយោដីខេត្ត បានរៀបចំទទួលពាក្យស្នើសុំពីប្រជាពលរដ្ឋដែលរងគ្រោះតាមរយៈសាលាដំបូង ដើម្បីពិនិត្យផ្ទៀងផ្ទាត់លើពាក្យស្នើសុំ និងកិច្ចសន្យាដែលមានភាពត្រឹមត្រូវដែលធ្វើឡើងរវាងប្រជាពលរដ្ឋជាមួយក្រុមហ៊ុន ហើយករណីមានភាពត្រឹមត្រូវច្បាស់លាស់ ពលរដ្ឋនិងទទួលបានការផ្តល់ជូននូវអ្វីដែលគាត់បានទិញ។ ឯកឧត្តមអភិបាលខេត្តបានបន្តថា ចាប់តាំងពីថ្ងៃទទួលពាក្យស្នើសុំមកទល់ពេលនេះ ពលរដ្ឋដែលបានដាក់ពាក្យមានចំនួន ៥ ១៤០នាក់ ដែលស្មើនឹង ៥ ៥៤៩ពាក្យស្នើសុំ ហើយតាមរយៈការពិនិត្យផ្ទៀងផ្ទាត់លើពាក្យសុំ និងកិច្ចសន្យាដែលមានភាពត្រឹមត្រូវដែលធ្វើឡើងរវាងប្រ