西哈莫尼国王接见第2届议会大会各国代表团

ប្រធានសភានៃអន្តរសភា ចូលគាល់សម្តែងការគួរសម ព្រះមហាក្សត្រកម្ពុជា សម្ដេច ហ៊ុន សែន ប្រធានព្រឹទ្ធសភាម្ពុជា និងជាប្រធានសន្និសីទប្រធានសភានៃអន្តរសភា លើកទី២ (2nd Inter-Parliamentary Speakers’ Conference – ISC-2) ព្រមទាំងប្រធានគណៈប្រតិភូនៃប្រទេសនានា ដែលអញ្ជើញមកចូលរួមសន្និសីទ ISC-2 ត្រូវបានព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា សព្វព្រះរាជហឫទ័យ ព្រះបរមរាជានុញ្ញាតឱ្យចូលគាល់សម្តែងការគួរសម។ ព្រះរាជជំនួបនេះ ប្រព្រឹត្តឡើង នាព្រឹកថ្ងៃទី២៧សីហា នៅព្រះបរមរាជវាំង។ ព្រះរាជពិធីសវនាការនេះ បានប្រព្រឹត្តទៅក្នុងឱកាសដែលកម្ពុជា ធ្វើជាម្ចាស់ផ្ទះរៀបចំសន្និសីទ ISC-2 ចាប់ពីថ្ងៃទី២៦ ដល់ទី២៨សីហា នៅរាជធានីភ្នំពេញ ដោយមានការអញ្ជើញចូលរួមពីប្រធានសភា តំណាងប្រធានសភា ថ្នាក់ដឹកនាំអង្គការអន្តរសភា អង្គការអន្តរជាតិពាក់ព័ន្ធ និងគណៈប្រតិភូជាន់ខ្ពស់មកពីបណ្តាប្រទេសនានាជុំវិញពិភពលោក។ រូបភាព៖ ព្រះបរមរាជវាំង