柬埔寨持续派遣维和部队 女性维和人员占比近20%

[来源: 柬埔寨国家电视台] [分类提示: NEWS] 标题: កម្ពុជាបន្តបញ្ជូន «កងទ័ពមួកខៀវ» ទៅកាន់តំបន់អាហ្វ្រិក! UN វាយតម្លៃខ្ពស់ចំពោះស្មារតីលះបង់ និងការចូលរួមយ៉ាងសកម្មរបស់ស្ត្រីកម្ពុជា ព្រះរាជាណាចក្រកម្ពុជាបានបន្តបង្ហាញនូវការប្តេជ្ញាចិត្តយ៉ាងរឹងមាំចំពោះសន្តិភាពពិភពលោក តាមរយៈការបញ្ជូនកងវិស្វកម្មលេខ៨៦៤ ចេញទៅបំពេញបេសកកម្មរក្សាសន្តិភាពក្រោមឆត្រអង្គការសហប្រជាជាតិ (UN) នៅសាធារណរដ្ឋអាហ្វ្រិកកណ្ដាល ព្រមទាំងបានរៀបចំពិធីស្វាគមន៍ និងបំពាក់មេដាយជូនកងរាជអាវុធហត្ថលេខ៨៧២ និងកងកម្ទេចគ្រឿងផ្ទុះលេខ៩៨ទី៣ ដែលបានបញ្ចប់បេសកកម្មប្រកបដោយជោគជ័យនៅសាធារណរដ្ឋស៊ូដង់ខាងត្បូង និងសាធារណរដ្ឋអាហ្វ្រិកកណ្ដាល។ ពិធីផ្លូវការនេះបានប្រព្រឹត្តទៅនាព្រឹកថ្ងៃទី២៦ ខែសីហា ឆ្នាំ២០២៦ នាទីស្តីការក្រសួងការពារជាតិ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងលោកស្រី Vladanka Andreeva អ្នកសម្របសម្រួលអង្គការសហប្រជាជាតិប្រចាំកម្ពុជា។ ក្នុងឱកាសនោះ លោកស្រី Vladanka Andreeva បានគូសបញ្ជាក់ថា ការបញ្ជូនកងកម្លាំងកម្ពុជានាពេលនេះ គឺជាការបញ្ជាក់ជាថ្មីលើការប្តេជ្ញាចិត្តចំពោះគោលការណ៍ធម្មនុញ្ញអង្គការសហប្រជាជាតិ គឺ «សន្តិភាព សេចក្តីថ្លៃថ្នូររបស់មនុស្ស និងវិបុលភាពសម្រាប់ទាំងអស់គ្នា»។ លោកស្រីបានកោតសរសើរប្រកបដោយមោទនភាពចំពោះភាពក្លាហាន វិជ្ជាជីវៈ និងការលះបង់ដ៏ធំធេងរបស់កងទ័ពមួកខៀវកម្ពុជា ក្នុងការចូលរួមចំណែកបង្កើតសុវត្ថិភាព និងសន្តិភាពជូនដល់ប្រជាជនដែលកំពុងរងគ្រោះដោយសារវិបត្តិ។ ជាមួយគ្នានេះ ឯកឧត្តម នាយឧត្តមសេនីយ៍ ទៀ សីហា បានសម្តែងនូវការវាយតម្លៃខ្ពស់ចំពោះវីរភាពរបស់កងកម្លាំងទាំងអស់ ដោយបានរំលេចជាពិសេសពីតួនាទីយ៉ាងសំខាន់របស់កងកម្លាំងជានារី ដែលមានចំនួនជិត ២០% នៃកងកម្លាំងសរុប។ ការចូលរួមយ៉ាងសកម្មរបស់ស្ត្រីកម្ពុជាក្នុងយុគសម័យឌីជីថលនេះ មិនត្រឹមត