洪玛尼工作组探望实居省产后教师 赠慰问金与物资

ឯកឧត្តម លី ណាវុឌ្ឍ ក្រុមការងារចិញ្ចឹមចលនាវិស័យអប់រំ ខេត្តកំពង់ស្ពឺ តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ស្ពឺ បានចុះសួរសុខទុក្ខ និងចូលរួមអបអរសាទរអ្នកគ្រូ ស៊ឹម​ សាវី បង្រៀននៅសាលាបឋមសិក្សាទួលស្គរ ឃុំព្រះខែ ស្រុកបសេដ្ឋ ខេត្តកំពង់ស្ពឺ សម្រាលបានកូនប្រុស ០១នាក់ ឈ្មោះ ហួត ​ហេងហ្វុង នៅថ្ងៃទី៣១ ខែតុលា ឆ្នាំ២០២៦។ បច្ចុប្បន្នអ្នកគ្រូកំពុងសម្រាកលំហែមាតុភាពនៅមន្ទីរពេទ្យកាល់ម៉ែត រាជធានីភ្នំពេញ។ ក្នុងដំណើរចុះសួរសុខទុក្ខនេះ ឯកឧត្តម និងក្រុមការងារក៏បាន ពាំនាំនូវការផ្តាំផ្ញើសួរសុខទុក្ខពីឯកឧត្តមឧបនាយករដ្ឋមន្ត្រី និងផ្តល់ជូនវត្ថុអនុស្សាវរីយ៍ជាឃិតទារកប៉ាម៉ានីដ៏ស្រស់ស្អាត នំស្រួយលីលី ១កញ្ចប់ និងថវិកាជូនដល់អ្នកគ្រូដែលកំពុងសម្រាកលំហែមាតុភាពនៅមន្ទីរពេទ្យផងដែរ។ ថ្ងៃសៅរ៍ ៥រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣១ ខែតុលា ឆ្នាំ២០២៦៕